Облыстық мәслихаттың депутаты, Қазақстанның Құрметті журналисі, Оңтүстік Қазақстан облысының Құрметті азаматы Дулат Әбіш бастаған қоғамдық делегация Кырым Республикасына жетті. Бүгін түс ауа Симферопольға ұшақпен жетіп, тарихи қала Бахчисарайға барып аялдады.
Мақсаты Түлкібас ауданында дүниеге келіп, Керчь қаласына қарасты Эльтиген селосында қаза тапқан Ұлы Отан соғысының жауынгері Нұрмахан Тұрсынбековтың жатқан жеріне барып, белгі тас орнату. Сондай-ақ осы сапар аясында «Ұлы балалар ізімен…» жобасы бойынша жат жұртта қалған тарихи тұлғалар насихатталмақ.
Еске сала кетейік, делегация құрамында Елбасының курстасы, Оңтүстік Қазақстан облысының «Құрметті азаматы» Марат Қыстаубаев, жауынгер Нұрмахан Тұрсынбековтың жиен қарындасы Айымхан Баймаханова, Созақ ауданының «Құрметті азаматы» Жұмабек Жүнісұлы, еңбек ардагері Махмұдбек Мухамедов тағы басқа азаматтар бар.
Мамыр айының 3-12 күндеріне жоспарланған бұл сапардың алғашқы күні осылайша аяқталды.
Бағлан БАЙКӨБЕКҚЫЗЫ
