Облыс әкімі Жансейіт Түймебаев бастаған оңтүстікқазақстандық делегация Кореяда жұмыс сапарымен жүр

Оңтүстік Қазақстан облысының әкімі Жансейіт Түймебаев бастаған өңір делегациясы жұмыс сапарымен 18 сәуір күні Оңтүстік Кореяға жол тартты.

Делегация құрамында Оңтүстік Қазақстан облысы мәслихатының хатшысы, заң ғылымдарының кандидаты Қайрат Балабиев, «Нұр Отан» партиясы ОҚО филиалы төрағасының бірінші орынбасары Нұрмахан Жолдасов, «Нұр Отан» партиясы Шымкент қалалық филиалының төрағасы, ОҚО Қоғамдық кеңесінің төрағасы, ОҚО мәслихатының бюджет және экономиканың дамуы жөніндегі тұрақты комиссияның төрағасы, облыстық мәслихат депутаты Өмірзақ Мелдеханов, ОҚО мәслихатының депутаты, «Азамат-R» ЖШС директоры Бекасыл Төлендиев, сондай-ақ бірқатар кәсіпкерлер бар.

Анықтама:

Корея Республикасы – Корей түбегінің оңтүстік бөлігінде орналасқан. Жер аумағы — 100 210 км² құрайды, әлем бойынша 109–орында. Бұл көрсеткіш Қазақстан Республикасының жер аумағы бойына ең кішкентай Солтүстік Қазақстан облысымен шамалас.

Түбек батысында – Сары теңізбен, шығысында – Жапон теңізімен, ал солтүстігі – Корей бұғазы мен Шығыс Қытай теңізімен шайылып жатыр.

Жер бедері негізінен таулы, жазық далалар территорияның тек 30% алып жатыр.

Корей түбегінің жағалауында шамамен 3000-нан астам адам мекендемейтін ұсақ аралдар орналасқан. Ең ірі арал — Чеджудо аралы.

Корей түбегіндегі ең биік нүкте – Пэктусан тау жотасы болып саналады. Оның биіктігі теңіз деңгейінен 2744 метр, Қытай мен Солтүстік Кореяның шекарасында орналасқан. Ал Корея Республикасының территориясындағы ең биік нүкте – Чеджудо аралында орналасқан Халласан (1950 м) сөңген жанартауы болып табылады. Елдің орталығы мен шығысын Шығыс Корей таулары (кор. 태백산맥) алып жатыр.

Оңтүстік Кореяда бірнеше көлдер мен ірілі ұсақты өзендер бар, солардың ішіндегі ең ірі өзен – Нактонган өзені (ұзындығы 506 км, бассейні 23 384 км²) болып табылады. Ол Тэгу, Пусан секілді ірі қалалар арқылы ағып өтеді. Сондай-ақ Хангаң (481,7 км) өзені елдің астанасы — Сеул қаласын кесіп өтеді.

P.S. ОҚО Қоғамдық кеңесінің төрағасы, ОҚО мәслихатының бюджет және экономиканың дамуы жөніндегі тұрақты комиссияның төрағасы, облыстық мәслихат депутаты Өмірзақ Мелдеханов 20 сәуір күні 65 жасқа толатын туған күнін Оңтүстік Кореяда қарсы алатын болады. Туған күн иесін шын жүректен құттықтаймыз.