Орталық коммуникациялар қызметінің баспасөз мәслихатында ҚР ІІМ Әкімшілік полиция комитеті төрағасының орынбасары Мақсат Байболов құқық бұзушылықтардың алдын алу мәселелерінде полицияның халықпен және азаматтық қоғаммен өзара жұмысы туралы мәліметпен бөлісті
Жиын барысында Мақсат Байболов жыл сайын елімізде «Учаске» республикалық жедел-профилактикалық шарасы өткізілетінін айтты.
«Іс-шара барысында учаскелік полиция инспекторлары өздерінің учаскелеріндегі әрбір үйге және пәтерге баруға тырысады, халықпен танысады, туындаған проблемалар туралы сұрастырады және өздерінің визит карточкаларын таратады. Соңғы бес жылда өткізілген осындай акциялардың нәтижесінде халық ақшалай сыйақыға ерікті түрде 47 мыңнан астам атыс қаруын, 250 жарылғыш құрылғы мен 1,7 млн данадан астам ойық қару патронын тапсырды. Ерікті түрде қару-жарақ заттарын тапсырғаны үшін осы жылдары 38 мың азаматқа 1 млрд 418 млн теңге төленді», — деді ол.
Сондай-ақ, оның айтуынша осындай акцияларды өткізудің тиімділігінің арқасында атыс қаруын қолдана отырып жасалған қылмыстар саны 44,8% азайған. Осы жылғы акция сәуірдің 10-нан басталады. Бұл мақсатқа республикалық бюджеттен 125,4 млн теңге бөлінген. Заңсыз сақталған қару-жарақты азаматтардың ерікті түрде өтемелі тапсыру қағидалары Ішкі істер министрінің бұйрығымен бекітілген.
«Бұл қағидаларда қаруды ерікті түрде тапсырғаны үшін қарудың әр бірлігіне, оның техникалық жағдайына және қару түріне қарай сомасы оннан жүз айлық есептік көрсеткішке дейін төлем көзделген. Заңсыз сақталған атыс қару-жарақ заттарды ерікті түрде тапсырған адамдар қылмыстық және әкімшілік жауапкершіліктен босатылады. Осы сәтті пайдала отырып, сақтауда заңсыз қару-жарақ заттары бар азаматтарға оларды ақылы негізде ішкі істер органдарына ерікті түрде тапсыруға шақырамын», — деді Ішкі істер министірлігі Әкімшілік полиция комитеті төрағасының орынбасары.
Дереккөз: Baq.kz
