Шымкентте Кемеровадағы өрт құрбандарына естелік аллеясы ашылды

Шымкентте Кемеровадағы өрт құрбандарына естелік аллеясы ашылды, деп хабарлады РФ-дағы ҚР елшілігінің сайтынан.

«Шымкенттегі таксопарктердің бірінің қызметкерлері Кемеровода «Зимняя вишня» сауда орталығындағы өрттен қаза болғандарды еске алу үшін 64 түп көшет отырғызды. Олар биліктен жер телімін сұрап, жұпаргүл, судан раушан гүлін, жеміс ағаштарын отырғызды. Ер адамдардың айтуынша, саябақ өмірдің жалғасатынын білдіретін болады», — делінген сейсенбіде жарияланған хабарда.

Еске алу акциясын таксишілер қала мектептерінің бірінде өткізген. Олар оқушылар ағаштарды күтіп-баптап жүріп, еске алу бағын жасайды деп үміттенеді. Таксишілер сондай-ақ, адамдар арасында бөлушілік, ешқандай шекара жоғын да еске салды – қайғылы жағдай әрқашан да ортақ.

«Бұл біздің ортақ қайғымыз, біз өмірдің әр сәтін бағалап, еске алып отыруымыз керек. Кемеровода бейбіт өмірде ересектер мен балалар қаза тапты. Біз ешкімді талқылағымыз келмейді, оны шешетін біз емес. Біз барлық балаларды есте сақтағымыз келеді, олар біздің ортақ балаларымыз. Ал мына ағаштар бізге өмірдің тоқтап қалмағанын еске салатын болады», – деп мәлімдеді акцияға қатысушылар.

Еске салсақ, 25 наурызда Ресейдегі Кемерово қаласында «Зимняя вишня» ОСО-ның 4-қабатынан өрт шыққан. Ресми ақпар бойынша 64 адам мерт болған.

Дереккөз: ҚазТАГ.