Елбасы Н.Ә.Назарбаевтың «Болашаққа бағдар: Рухани жаңғыру» мақаласында «Ұлттық жаңғыру деген ұғымның өзі ұлттық сананың кемелденуін білдіреді. Ұлттық салт дәстүрлеріміз, тіліміз бен музыкамыз, әдебиетімізді, мәдинетімізді, жоралғыларымыз бір сөзбен айтқанда ұлттық рухымыз бойымызда мәңгі қалуға тиіс»,- деп атап көрсеткен болатын. Осы мақсатта төл өнерімізді төрге шығарып, әдебиетім ұлықталып, Асқар Сүлейменов атындағы «Сөз зергері» атты көркемсөз оқу шеберлерінің облыстық байқауы ұйымдастырылды, деп хабарлады Созақ ауданы әкімдігінің баспасөз қызметі.
Байқаудың шымылдығын аудандық халық театырының өнерпаздары қойған «Асқар бейнесі» сахыналық көрінісімен ашылды. Созақ ауданының 90 жылдығы аясында ұйымдастырылған «Сөз зергері» облыстық байқауына Оңтүстік Қазақстан облысының аудан, қалаларынан іріктеуден өткен 14 үміткер қатысып А.Сүлейменовтің көркемдігі жоғары прозалық шығармасынан үзінді оқып, түрлі авторлардың немесе өз шығармашылығынан «Аңыз — ғұмыр, Асқар – жыр» арнау өлеңдерін оқыды.
Талай талантты дүниеге әкелген қасиетті теріскей өңірінде-Асқар Сүлеймеовтің есім шойы қадірлі, құрметті. Биыл әдебиет сыншысы, жазушы, драматургтің 80 жылдық мерей тойы. Бітім-болмысы бөлек жазушы қазақ әдебиетінде шоқтығы биік туындыларды дүниеге әкелді. «Адасқақ», «Бесін», «Бесатар» прозалық шығармаларын жазды. Сөз өнерін қадірлеген жазушы, әдебиет сынында көп еңбек етті. Сыни- эстетикалық кітаптар жазып, драматургия саласында қалам тербеді. Қазақстан Республикасы мемлекеттік сыйлығын алды. Туған елі, арда ұлын ардақтап, аудан орталығы Шолаққорғандағы жалпы орта мектебіне Асқар Сүлейменов атын берді, еңселі ескерткішін орнатты.
Байқау қорытындысымен, қазылар алқасының шешімімен бас жүлдеге Созақ ауданының үміткері Айдүйсенов Асхат лайық деп танылып, 150 мың теңге ақшалай жүлде табысталса, бірінші орын мақтаралдық Әбди Айдаға бұйырып 120 мың теңге тапсырылды. 100 мың теңгелік жүлделі екінші орын Бәйдібек ауданынан Сәулебек Мәдидің еншісіне берілсе, үшінші орын және 50 мың теңге жүлде қорын Арыс қаласынан Тәукебаева Ақшолпан мен созақтық Нысанбек Күләш иемденді. Ал, Облыстық мәдениет және халық шығармашылығы орталығының арнайы жүлдесімен Отырар ауданының қатысушысы Асан Өркен марапатталды.
Өзге де үміткерлерге арнайы дипломдар мен 30 мың теңге ынталандыру сыйлықтары тапсырылды.
Міне, осылай арда ұл-қыздарының есімін асқақтатқан созақтықтар, ауданының құрылғанына 90 жылдық торқалы тойының аясында ауқымды іс шараларды бастап та кетті. Биыл Тәкен Әлімқұлов пен Төлеген Момбековтің 100 жылдығы, Бәтима Батырбекованың 90 жылдығы, Асқар Сүлейменовтің 80 жылдығы кең көлемде аталып өтеді.
Аталған мерейлі мерекелерді атап өту үшін, арнайы іс шара кестесі бекетіліп, аудан көлемінде түрлі шаралар, мектептерде танымдық сабақтар оқытылып, талантты ұл- қыздарының есімдерін ел жадында қалдыру үшін түрлі жұмыстар жасалынып жатыр. Алдағы уақытта қазақ әдебиетіндегі шоқтығы биік тұлғаларды шығармашылығына арналған республикалық ғылыми-теориялық конференция өткізледі.
