Абай ауданы әкімдігіне қарасты №10 окруктің халық қалаулысы бұл басқосуда 2017 жылы атқарған жұмыстарын айтып, тұрғындардың талап тілегін тыңдады. Жиында жалпы 2 мәселе қаралды. Соның бірі Елбасы Жолдауы кеңінен насихат алса, екіншісі Ғани Абдіғаниұлының депутат ретінде атқарған жұмыстары мәлім болды.
Халық қалаулысы болу үлкен жауапкершілік. Сайлауда басым дауыс алып, депутат болып сайлану бір бөлек те, депутаттық жауапкершілікті өз биігінде көтеріп жүру екінші мәселе. Себебі халықтың алдында айтылған уәдені орындауға адалдық таныту, әрдайым көп ортасынан табылу, сайлаушыларының көкейіндегі мәселенің шешілуіне атсалысу, ол депутаттың білімі мен біліктілігін, сондай-ақ белсенділігін қажет етеді. Осы орайда Ғани Ташқараев ұдайы сайлаушыларымен бірге. Өйткені, олардың алдында атқарған жұмысын мәлімдеп, олардың талап тілегін басты назарда ұстайтын халық қалаулыларының бірі. Жиынның әлқисасын Елбасы Жолдауынан бастады.
Жалпы, Ғани Ташқараевқа өз сайлаушыларынан 62 өтініш келіп түскен. Оның, 21-і жазбаша түрде болса, 41 –і қабылдауына кірген тұрғындар. Сондағы айтылған мәселенің бірі, Шымкент қаласындағы №78 мектептің тозығы жетуіне байланысты, күрделі жөндеуді талап етеді делінген екен. Ол, мәселе былтырғы жылы депутаттың қолдауымен жүзеге асыпты.
Ұдайы сайлаушыларының үдесінен шығып өзекті мәселелерінің шешілуіне ұйытқы болып жүрген Ғани Ташқараев, Шымкент қалалық мәслихатта тұрақты комиссия төрағасы болыпта жұмыс жасайды. Сондықтанда, ол жалпы қала бойынша жұмыс жасауда белсенді азамат.
Депутаттың есепті кездесуі, «Ұлықбек» атындағы №3 жалпы орта мектебінің ғимаратында өтті. 100-ге тарта тұрғындар қатысты. Басым көпшілігінің айтар алғысы бар. Тұрғындардың келіп көтерген мәселесі бір –біріне ұқсас. Яғни, қоғамдық көлік, жарықтандыру, сондай-ақ жол. Айта кетейік, биылғы жылы Шымкент қаласындағы, барлық топырақ көшелерге тас төселіп, басым көпшілігі күрделі жөндеуден өтіп, 93 бірдей жаңа аялдама қойылып, 17 бағдаршам жаңартылмақ.
Ұлдархан Уәлиханқызы
