ҰБТ-ға дайындалу үшін тегін портал (видео)

Мектеп бітірушілерін ҰБТ-ға дайындауға арналған ontest.kz порталы ашылды. 2018 жылы ақпан айынан бастап облыстық білім басқармасы мектеп оқушылары мен бітірушілердің жаңа форматтағы ҰБТ/КТ-ге дайындалуға арналған ontest.kz бағдарламасын іске қосты. Аталған бағдарлама бойынша мектеп оқушылары ҰБТ/КТ-ге дайындалу үшін онлайн режимде жүйеге кіріп өз білімдерінің қаншалықты деңгейде екенін байқау сынақтары арқылы біле алады. Порталдағы сұрақтар қоры жылдан-жылға толыға түседі. Оқушы жүйеде жұмыс істеу үшін тіркелуден өту міндетті. Тіркелу барысында оқушы аты-жөнін, электронды почтасын, жасырын (пароль) сөзді, ауданын өзі оқитын мектебін таңдап жүйеге кіре алады.

Тесттің нәтижесін оқушы сол мезетте көре алады, яғни тестті аяқтау батырмасын басқан мезетте нәтиже экранға шығады. Сонымен қатар оқушының жеке кабинетінде қашан және қанша рет тесттен өткені туралы мәлімет болады. Оқушылар үшін тестілеу тегін және мобильді құрылғы (телефон, планшет) арқылы да қолжетімді. Порталдың әкімші бөлімі арқылы білім басқармасы кез-келген мектепте қанша оқушы дайындық сынағын тапсырғаны, оның пәндер бойынша орта балын және ауданның орта балын көруге мүмкіндік алып отыр. Оntest.kz порталының қызметін видеодан көре аласыз…

Жомарт БЕГІМБЕТ.