Астанада көлік қосалқы бөлшектерін сататын «Сәлем» базарында сейсенбі күні кешке өрт шықты.
Ақпаратты ҚР ІІМ Төтенше жағдайлар комитетінің ресми өкілі Руслан Иманқұлов растады.
«30 қаңтарда кешкі сағат 10-дар кезінде «Авангард» ЖШС аумағында контейнерлерден құрастырылған автомобиль майы мен қосалқы бөлшек саудалайтын сауда-қойма ғимаратында өрт шықты. Жалынды 28 өрт сөндіруші сағат 22:49-да ауыздықтады. Шамамен 120 шаршы метр аумақты от шарпыған. Өртті сөндіруге 7 арнайы техника жұмылдырылды. Өрт толығымен 23-40-та сөндірілді. Оқыс оқиғадан ешкім зардап шекпеді», – деді Р.Иманқұлов.
Дереккөз: 24.kz