Қазіргі таңда, Шымкентте қоғамдық көлік саласында 26 көлік компаниясы 70 бағытта жолаушыларды тасымалдайды. Қоғамдық көлік саласында автобустарды жаңарту мәселесі өзекті болып отыр.
Елбасы биылғы Жолдауында «Ақылды қалалар» өңірлік дамудың, инновацияны таратудың және еліміздің барлық аумағында тұрмыс сапасын арттырудың локомотивтеріне айналады» деп ерекше назар аударған болатын. Осыған сәйкес, «Ақылды қалалар», «Ақылды ұлт» электронды билет жүйесін енгізу мүмкіндіктері қарастырылуда.
Бұл орайда, Шымкентте заманауи жүйе сәтті іске асырыла бастады. Өңір атқамінерлері Жолдау жүктеген міндеттерді тағы бір пысықтап, алда атқарылар жұмыс жоспарын жасады.
Бұл форумға отандық және Ресей Федерациясының, Өзбекстан Республикасының, Беларусь Республикасының, Қытай Халық Республикасының автобус өндірушілері мен электронды билет жүйесі ендіруші компаниялардың өкілдері шақырылды.
Жиын барысында қалалық тасымалдаушылар мен бірлесіп Шымкент қаласының жағдайында ең тиімті автобус маркасы және электронды билет жүйесі анықталатын болады. Сондай-ақ, тасымалдаушыларға автобустарды жаңғыртуға жағдай жасалатын болады.
