Бұл мерзім 72 сағатты құрайтын болады.
Бұл туралы бүгін Мәдениет және спорт министрі Арыстанбек Мұхамедиұлы Үкімет үйінде өткен баспасөз мәслихатында мәлімдеді. Сала басшысының айтуынша, Қазақстан Үкіметі визасыз режим талаптарын туристік саланы дамыту үшін жеңілдетіп отыр.
Мәселен, былтыр елордадағы ЭКСПО көрмесі кезінде қытайлық азаматтарға 72 сағат визасыз жүру мүмкіндігі ұсынылды. Нәтижесінде көрші мемлекеттен келген саяхатшылар саны 4,5 мыңнан асып жығылды.
Арыстанбек Мұхамедиұлы туристік саланы дамыту үшін жан-жақты жұмыс атқарылып жатқанын алға тартты. «Сондай-ақ шетелдік инвесторлар тарапынан Қазақстандағы киелі жерлерді күллі әлемге паш етуге қызығушылық туындады», – дейді министр.
Арыстанбек Мұхамедиұлы, ҚР Мәдениет және спорт министрі:
— Үндістан – жан-жақты дамып келе жатқан мемлекет. Сондықтан бұл ел азаматтарының Қазақстанға келуіне қолайлы жағдай жасауды жоспарлап отырмыз. Дегенмен визасыз режим енгізу оңай жұмыс емес.
Дереккөз: 24.kz
