Он бірінші сыныптың оқушысы Шымкент қаласын екі күн бойы басқарды. Қала әкімі Нұрлан Сауранбаевтың бастамасымен «Жас мемлекеттік қызметші» жобасы қолға алынып, мектептің шәкірттері әкімдік қызметінің қыр-сырымен танысты. Оқуда үздік, қоғамдық жұмыстарда белсенді оқушылар тіпті шахардың даму жоспарымен, бірқатар өзекті мәселелерді де талқыға салды.
Жобаның мақсаты – жастарды мемлекеттік қызметке ынталандыру, олардың мамандық таңдауда дұрыс қадам жасауына ықпал жасау. Үшінші мегаполистің дамуын ортақ мүдде деп білген қала басшылығы ерекше форматтағы шараны қолға алған. Жетешілер жас мамандардың алғашқы аяқ алысын жоғары бағалап отыр.
Шымкенттің әкімі лауазымына Ғазиза Ғаниқызы лайық деп танылған. Ол №1 мектептің 11 сынып оқушысы. Қарамағында 17 қызметкері бар. Олардың әр қайсысы бөлім басшысы қызметін атқарады. Яғни, екі күн бойына әкімдіктің қызметімен танысқан оқушылар қорытынды жиында бас қосты. Жобаға 12 мектептен 18-шәкірт іріктеліпті. Жас қызметшілердің әрбіріне жүктелген міндетте әр түрлі. Бірі әлеуметтік, бірі кәсіпкерлік, экономика, құрылыс, білім саласындағы жұмыстардың ретімен танысқан олар, әкімге өз ұсыныстарын да әзірлеген.
«Бастапқыда жергілікті басқару ісіне араласуды қызық бір дүние деп сезіндік. Десе де, шынайы іске келгенде халықтың көңілінен шыға білу, өзекті мәселелердің шешімін табу оңай шаруа емес екендігіне көзіміз жетті», — дейді оқушылар. Жоба жастардың мемлекеттік қызметке деген қызығушылығын арттырған. Яғни, екі күндік мүмкіндіктің өзінде үздіктердің үйренгені мен тәжірбие жинақтағанын аңғаруға болады.
