Елбасы жарлығына сәйкес барлық денгейдегі әкімдердің халық алдында есеп беру кездесулері басталды. Осы ретте Шымкент қалалық Еңбекші ауданының әкімі Ғалымжан Илясов та аудан тұрғындары алдында 2017 жылы атқарылған жұмыстарды баяндап өз есебін қорытты. Есепті кездесу «Оңтүстік» шағын ауданына қарасты №127 ЖОМ-де өтті. Жиынға аудан құрамына Сайрам және Төлеби аудандарынан қосылған бірқатар елді мекендердің тұрғындары мен Шымкент қаласының әкімдігіне қарасты дербес бөлім басшылары және құқық қорғау органдарының қызметкерлері де қатысты. Ал есепті баяндамасын Елбасы жолдауын басшылыққа ала отырып ауданда атқарылған жұмыстарға тоқталған Ғалымжан Молдабайұлы 2017 жылы 3 кезең бойынша 41 көшеге орташа жөндеу жүргізілгендігін атап өтті. Сондай ақ ағымдағы жылы 20шақырымды құрайтын 18 көшеге шағал тас төселіп, Жібек жолы көшесі қайта құрылымдаудан өтуде.
Сонымен қатар, Еңбекші ауданы бойынша өткен жылы 6 жеке меншік балабақша ашылып, 2014 жылмен салыстырғанда балабақшамен қамтылған балалардың саны 1,8 пайызға артқан. Оған қоса аудан аумағындағы №12, 36 мектептердің апатты блоктары қайта құрылымдаудан өтсе, Қаратөбе тұрғын алабындағы №105 мектепке қосымша 300 орындық ғимарат салынып пайдалануға берілген. Ал аудан аумағында орналасқан барлық көпқабатты тұрғын үйлер түзілген кестеге сәйкес өз мерзімінде жылуға қосылған. Осылайша ауданда өткен жылы атқарылған жұмыстар мен алдағы мақсат міндеттерге жан жақты тоқталған Ғалымжан Илясовтың есепті баяндамасынан соң мінбеге шығып сөз алған тұрғындар әкім жұмысын қатанғаттанарлық деп бағлап, өзекті мәселелерді де ортаға салып жатты. Айта кету керек тұрғындарды толғандырған мәселелердің көпшілігі жолдардың жайы мен көшелерді жарықтандыруға қатысты.
Абай ОМАР