Алтынбек Төлепбеков — Оңтүстік Қазақстан облысының Құрметті азаматы

  2018 жылдың 10 қаңтарында Оңтүстік Қазақстан облысы мәслихатының кезекті сессиясында Алтынбек Төлепбековке қатысты ұсыныс қаралып, оған сессия «Оңтүстік Қазақстан облысының Құрметті азаматы» атағын беру туралы шешім қабылдады.

Анықтама:

Алтынбек Төлепбеков — «Домалақ ана» қорының Президенті.

Еңбек жолын еліміз егемендік алғаннан кейін кәсіпкерліктен бастады, бизнесті алғашқы бастаған азаматтардың бірі. 1996 — 1997 жылдары өз қаражаты есебінен Қаратаудағы Қостұра маңындағы Домалақ ана кесенесі, сонымен қатар сол жылдары бірнеше кесенелер қайта қалпына келтіріліп жаңадан тұрғызылды. М.Әуезов атындағы мектептің спортзал құрылысына, Даубабағы жаңадансалынған мектепте, Жиынбайдағы мектептің спорт залына үлкен демеушілік көмек көрсетіп, Бәйдібек ауданындағы «Домалақ ана» сынды білім ұяларында жыл сайын түрлі спорттық жарыстар мен турнирлер ұйымдастырады. 2003 жылы Бәйдібек ауданында өткен қайырымдылық акциясына, Састөбедегі мектеп-интернатына, «Машат» ауылдық округіне қарасты «Еңбек» ұжымына қаржылай көмек көрсетіп, ұжымды тығырықтан алып шықты.