Діни қызмет және діни бірлестіктер туралы ҚР кейбір заңнамалық актілеріне өзгерістер мен толықтырулар енгізу тeралы заң жобасында атеистер құқығы қорғалатыны айтылған. Бұл туралы ҚР Дін істері және азаматтық қоғам вице-министрі Берік Арын ОКҚ-да өткен баспасөз-мәслиxатында мәлімдеді, деп хабарлайды Baq.kz .
«Дінге сенбеушілер, дін талаптарын толығымен орындамаушылардың құқығын айтып отырмыз. Бұл туралы БҰҰ-ның Адам құқықтары комитеті осындай жұмыс жасаған. Дінге сенушілердің құқығы қорғалады. Сонымен қатар, дінге сенбеушілердің де құқығын қорғау керек. Біз дінге сенетін, бірақ толығымен орындамайтындардың құқығын қорғап отырмыз», — деді ҚР Дін істері және азаматтық қоғам вице-министрі Берік Арын.
Оның айтуынша, әлеуметтік зерттеулер қорытындысы бойынша елімізде азаматтардың 87%-ы өздерінің дінге сенетінін мәлімдеген.
«Сауалнамаға қатысушылардың 87%-ға жуығы өздерін дінге сенеміз дейді екен, бірақ оның ішінде 16%-ы ғана бүкіл діни жоралғылардың бәрін орындайды. Мысалы, мұсылмандар намаз оқиды, ал өзге діндегілер басқа талаптарды орындайды. Қалғандары (71% — авт.) өздерін дінге сенеміз дегенмен, талаптарды орындамайды. Қазіргі кезде кейбір сенушілердің арасында радикалдардың түр-түрі бар, олар дінге сенушілер талаптарды толық орындамаса, «Сен дінге сенбейсің, басқа дін өкіліненсің» деп қорқытып, қорлауға, үркітуге жол береді. Соның алдын алу үшін осындай шаралар қабылданып отыр», — деді ол.
