Қазақстан Республикасы Тәуелсіздік алғаннан соң 1992 жылы Қаржы бақылау саласы қалыптасты. Осы 25 жылдың ішінде қаржы бақылау жүйесінде 8 мемлекеттік орган құрылған. Атап айтқанда:
1992 жылы 15 қазан айында Мемлекеттік Қаржы бақылау Комитеті құрылды.
Осы жаңадан мемлекеттік орган құрылғаннан кейін Қазақстанда Қаржы бақылау саласы қалыптасты. Осыған негіз болған Қазақстан Республикасы Президентінің 1992 жылы 17 наурыздағы «Ұйымдасқан қылмыс пен сыбайлас жемқорлыққа қарсы күресті күшейту жөніндегі шаралар туралы» № 684 Жарлығы. Аталаған Жарлыққа сәйкес Қазақстан Республикасы Министрлер Кабинетінің «Министрлер Кабинеті жанындағы Қаржы бақылау Комитеті қызметінің мәселелері туралы» 1992 жылы 15 қазан айындағы № 864 қаулысымен Қазақстан Республикасы Қаржы Министрлігінің Бақылау – тексеру басқармасы негізінде Қазақстан Республикасы Министрлер Кабинеті жанынан Мемлекеттік Қаржы бақылау Комитеті құрылды.
1994 жылы 15 шілде айында Қаржы бақылау Мемлекеттік Комитеті құрылды.
Бұған негіз болған Қазақстан Республикасы Президентінің 1994 жылғы 15 шілдедегі №1795 Жарлығы.
1995 жылы 19 қазан айында Қаржы – валюталық бақылау Комитеті құрылды.
Елбасының 1995 жылғы 19 қазандағы №2541 Жарлығынының негізінде Қазақстан Республикасы Қаржы Министрлігі жанынан Қаржы – валюталық бақылау Комитеті құрылды.
1998 жылы қазан айында Қаржы министрлігінің қазынашылық департаменті мен мемлекеттік мүлік және жекешелендіру департаменті құрылды.
Жаңадан ұйымдастырылған департаментке Қазақстан Республикасы Президентінің «Мемлекеттік басқару органдарын одан әрі оңтайландыру жөніндегі шаралар туралы» №3986 Жарлығымен Қаржы министрлігінің Қаржы бақылау Комитетінің функциялары берілді.
1999 жылы желтоқсан айында қайтадан Қаржы бақылау Комитеті құрылы.
1999 жылы желтоқсан айында Қазақстан Республикасы Үкіметінің №1959 қаулысымен Қаржы министрлігінің Қаржы бақылау Комитеті қайта құрылды.
2004 жылы қазан айында Қаржылық бақылау және мемлекеттік сатып алу Комитеті құрылды.
Қазақстан Республикасы Үкіметінің 2004 жылғы қазан айындағы №1134 қаулысымен Қаржы Министрлігінің Қаржылық бақылау және мемлекеттік сатып алу Комитеті құрылды.
2008 жылы 24 сәуір айында Қаржылық бақылау комитеті құрылды.
Қазақстан Республикасы Үкіметінің 2008 жылғы 24 сәуірдегі № 387 қаулысына сәйкес Қаржы министрлігінің Қаржылық бақылау комитеті құрылып, аумақтық басқармалардың атауы аумақтық инспекция болып өзгертілді.
2016 жылы 3 мамыр айында Ішкі мемлекеттік аудит комитеті құрылды.
«Қазақстан Республикасы Үкіметінің «Қазақстан Республикасы қаржы министрлігінің кейбір мәселелері туралы» 2016 жылғы 3 мамырдағы №264 қаулысымен «Қазақстан Республикасы Қаржы министрлігінің Қаржылық бақылау комитеті» мемлекеттік мекемесінің атауы «Қазақстан Республикасы Қаржы министрлігінің Ішкі мемлекеттік аудит комитеті» мемлекеттік мекемесі, сондай-ақ оның аумақтық бөлімшелерінің атауы «Ішкі мемлекеттік аудит департаменті» болып өзгертілді.
Мәліметтер Елбасының Жарлығынан, Қазақстан Республикасы Үкіметінің қаулыларынан және Қазақстан Республикасы нормативтік құқықтық актілерінің ақпараттық-құқықтық жүйесінен алынды.
Абай АЛИБЕКОВ,
Оңтүстік Қазақстан облысы бойынша Ішкі мемлекеттік аудит департаменті №1 мемлекеттік сектордың аудиті бөлімінің басшысы