Оңтүстік Қазақстан облысы бойынша Мемлекеттік кірістер департаментінің басшысы А.Үмбеталиев 2017 жылдың 10 айында атқарылған жұмыс қорытындысы бойынша 2017 жылдың 6 желтоқсанында брифинг өткізді.
А.Үмбеталиев брифинг барысында, ағымдағы жылдың 10 айының қорытындысымен мемлекеттік бюджет жоспары 103% орындалғанын, жеткізілген жоспар 245 000 000 мың теңге болса, бюджетке нақты 251 000 000 мың теңге өндіріліп, 6 000 000 мың теңге артығымен қамтамасыз етілгендігін айтты. Оның ішінде, республикалық бюджетке 151 000 000 мың теңге жоспарланса, нақты 152 000 000 мың теңге өндірілді, орындалуы 101% құрады немесе 1 000 000 мың теңге артығымен орындалғанын, ал жергілікті бюджет бойынша межеленген жоспар 94 млрд.тг болса, нақты 99 млрд.тг. өндірілгенін, жоспардың орындалуы 106% немесе жергілікті бюджет қоржынына артығымен 5 000 000 мың теңге қамтамасыз етілген.
Оңтүстік Қазақстан облыстық мәслихаты 2017 жылғы 23 қазандағы № 15/186-VІ шешімімен облыстың 2017 жылға арналған бюджетіндегі кірістердің көлемі 493 416 162 мың теңге, ал трансферттердің көлемі 460 485 998 мың теңге болып бекітілген.
Облыстағы жиналған салықтың 152 000 000 мың теңгесі республикалық бюджетке жіберілсе, ал республикадан облыстың бюджетіне 460 485 998 теңге беріледі. Яғни, 308 485 998 мың теңге көлемінде қарыз аламыз.
Облыс мәслихатының шешіміне сәйкес, облыстық бюджетке 493 416 162 мың теңге қаражат керек болса, соның 251 000 000 мың теңге салық қызметкерлері өндірген. Алайда бюджетке 242 416 162 мың тенге жетпейді.
Өндірген салық түсімі облыстық бюджет көлемінің 51% құрайды. Ал, қалған 49%-ы республика бюджетінің есебінен беріледі. Бұл облыстың өзін-өзін тиісті қаражатпен қамтамасыз ете алмайтындығын айғақтайды.
«Айғақ» ақпарат
