Өңірімізде бастау алған «AGRITek Shimkent-2017» Халықаралық көрмесі аясында семинар-кеңес өтті. Жиынға шетел және отандық компания өкілдері, ауыл шаруашылығы саласындағы қызметкерлері, қаржы ұйымдарының мамандары, жергіліктім кәсіпкерлер қатысты. Шараның негізгі мақсаты мемлекеттер арасында агросалада тәжірибе алмасу және жаңа технологиялар, бірлескен бизнес-жобалар құру бойынша іскерлік қарым-қатынасты нығайту болып табылады.
Жиын барысында агротехника озық үлгілерін құрастыратын компаниялар мен байланыс орнатып, ауыл шаруашылығына қажетті құрал-жабдықтарды өзімізде өндірудің мүмкіндіктері мен жолдары талқыланды. Шаруалар мен кәсіпкерлердің сауалдары мен ұсыныстары талқыланып, семинар пікір алмасу алаңына айналды. Әрбір пікірді мұқият тыңдаған облыс әкімі ауыл шаруашылығы саласының мамандары мен аудан, қала әкімдеріне көрмеде ұсынылған ауыл шаруашылығы техникаларының шаруаға қолжетімді болуын және агросалаға жаңа технологиялардың көптеп енгізілуін тапсырды. Айта кетейік, ОҚО-да ұйымдастырылған дәстүрлі «AGRITek Shimkent-2017» көрмесіне 5 мемлекеттің 50-ден астам компаниялары ауыл шаруашылығы саласында қажетті озық технологиялары мен құрал-жабдықтарын ұсынды. Солардың ішінде тамшылатып суғару технологиясын Иран елі ұсынып отыр.
«Айғақ — ақпарат»
