Елбасы Қазақстан Бас прокурорының орынбасарын тағайындады

Қазақстан президенті Нұрсұлтан Назарбаев Бас прокуратураға кадрлық тағайындаулар жүргізді деп хабарлайды Ақорданың баспасөз қызметі.

«Мемлекет басшысының өкімімен Андрей Иванович Лукин Қазақстан Республикасы Бас прокурорының орынбасары қызметіне тағайындалды»,— делінген хабарламада.

Лукин Андрей Иванович 1961 жылы 28 шілдеде туған. Целиноград инженер-құрылыс институтын, Қарағанды Мемлекеттік университетін бітірген, заңгер.

1985 — 1998 жылдар аралығында Қазақстан Республикасы Ішкі істер министрлігі органдарында қызмет өткерген. Ақмола қаласы Шығыс ішкі істер бөлімінің бастығы, Ақмола қаласы Ішкі істер басқармасының бастығы, Мемлекеттік Тергеу Комитетінің бастығы.

1998 жылғы мамыр — 2003 жылғы шілде аралығында — Астана қаласы Тұрғын үй департаментінің бастығы, 2003 жылғы шілде — қыркүйек аралығында — Қазақстан Республикасы Индустрия және сауда министрлігі Әкімшілік және құқық жұмысы департаментінің директоры, 2003 жылғы қыркүйек — 2005 жылғы сәуір аралығында — Қазақстан Республикасы Индустрия және сауда вице-министрі.

2005 жылғы сәуірден — Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) Төрағасының орынбасары.

Қаржы полициясының генерал-майоры.

ІI дәрежелі «Даңқ» орденімен, бірқатар медальдармен және төсбелгілермен марапатталған.

Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) Төрағасының бірінші орынбасары.

Астана қаласы әкімінің орынбасары қызметін атқарған.

Дереккөз: Alashainasy.kz,  nur.kz