Қазақстан мектептерінде 500-ден астам сыныпта 1 қыркүйектен бастап ағылшын тілінде оқуға өтеді, деп мәлім етті ҚР білім және ғылым министрі Ерлан Сағадиев.
«1 қыркүйектен бастап 500-ден астам сыныпта сабақ ағылшын тілінде өтетін болады. Ондай тәжірибеге оқушылардың өздері ерікті түрде және ата-аналарының жазбаша келісімімен көшіп отыр. Бір жыл бойына біз оқушыларға, ата-аналары мен мұғалімдерге қараймыз. Осы мәліметтер негізінде келесі жылы біз мұғалімдермен, ата-аналар қауымдастығымен талқыдан өткізіп, осының нәтижесі бойынша жоғарғы сыныптарда пәндер бойынша 3 тілде оқуға көшудің кестесін дайындайтын боламыз», — деді Е. Сағадиев сәрсенбі күнгі баспасөз мәслихатында.
Оның айтуынша, биыл 12 мың мұғалім ағылшын тілі курстарына жазылған, олардың 4 мыңы оқып жатыр, қалғандары қыркүйек айынан бастайды.
«Әр түрлі курстар бар: мекен жайын ауыстыратын және ауыстырмастан оқуға болатын курстар. Оқу мерзімдері де 3 айлық, 6 айлық, 9 айлық, және ең елеулі курстар – 10 ай сыртқа шығып оқу. Бұл ретте мұғалімнің жұмыс орны, жалақысы сақталады, оған стипендия тағайындалады, жол шығындары мен іссапар ақысы төленеді. Қайтып келген соң, егер мұғалім «ағылшын тілінде оқытатын мұғалім» санатына өтетін болса, жалақысын көтеру қарастырылған», — деді министр.
Бұрын хабарланғандай, үш тілдік білім беруді дамыту қазақстандық мектептерде дарынды балаларға арналған 33 тәжірибелік мектепте, 20 Назарбаев зияткерлік мектебінде және 30 қазақ-түлік лицейінде іске асырылмақ. Бұл ретте жоғарғы сыныпта ағылшынша оқуға өту кезеңмен 2017 – 2023 жылдар аралығында өтеді.
ҚазТАГ
