“ЭКСПО-2017” халықаралық көрмесі аясында Қазақстанға келген аспан асты елінің туристері Оңтүстікте. Бұл күні мәртебелі меймандармен облыстық кәсіпкерлік, индустриалды-инновациялық даму және туризм басқармасының басшысы Батырхан Құрмансейіт кездесу өткізді. Бас қосу барысында Қытай елінің азаматтары 3 ірі жобаның жүзеге асатындығын атап өтті. Яғни, халықаралық бренд пен мәдени форум өтеді. Негізгі мақсат әлемді өзіне қызықтыратындай мәденит туралы толықтай ақпаратпен қамтамасыз ету. Бұл туралы Қытай халық республикасының 2 мыңнан астам бұқаралық ақпарат құралдары жарыса жазатын болады. Ал, елімізге келген туристер Қазақстанның көрікті жерлеріне қызығушылық танытып, оны өз елдерінде насихаттауға да қарсы еместіктерін жеткізді. Осы уақытқа дейін бір емес, бірнеше мемллекеттің “ЭКСПО” көрмесін аралап көрген қонақтар Астана қаласында өтіп жатқан “ЭКСПО-2017” көрмесінің ұйымдастырылу барысына жоғарғы баға берді.
Аяжан Дәулетбай