Оңтүстік Қазақстан облысының ішкі мемлекеттік аудит департаменті басшысының орынбасары Қ.Сапарбеков «Айғақ» қоғамдық телеарнасына «Қаржылық есептілікті депозитарий беру мәселелері» тақырыбында 2017 жылы 31 мамырда сұхбат берді.
Сұхбат барысында Қ.Сапарбаев аталған мәселеге қатысты тиісті жауаптарын берді. Атап айтқанда;
Қаржылық есептілікті депозитарийге беру қандай заңнамалық актілермен реттеледі немесе қадағаланады?
- Қазақстан Республикасы Үкіметінің 2011 жылғы 14 қазандағы №1173 «Қаржылық есептілікті депозитарийге беру қағидаларын бекіту туралы» Қаулысымен реттеледі.
Депозитарий дегеніміз не?
- Жылдық қаржылық есептілікті және ұйымдар жыл сайын беріп отыратын аудиторлық есептер, акционерлік қоғамдардың үлестес тұлғаларының тізімі, сондай-ақ акционерлік қоғамдардың корпоративтік оқиғалары туралы ақпарат қамтылатын, пайдаланушылар үшін ашық қолжетімді электрондық деректер базасы.
Жеке депозитарий ұйымдарды кімге, қандай органдарға есеп береді?
- Ұйымдар жыл сайын есептеден кейінгі жылдың 31 тамызынан кешіктірмей уәкілетті орган депозитарий жүргізу жөніндегі қызметті жүзеге асыруға айқындаған ұйымға белгіленген тәртіппен бекітілген тізбе мен нысандарға сәйкес жасалған, жылдық қаржылық есептілікті береді.
Ал, қайтадан құрылған ұйымдар ол тіркелген сәттен бастап сол жылдың 31 желтоқсанын қоса алғандағы кезең үшін жылдық қаржылық есептілікті ұсынады.
Қосымша жылдық шоғырландырылған қаржылық есептілікті қай заңнамалық актілерге сәйкес береді?
- Еншілес ұйымдары бар ұйымдар Қазақстан Республикасының бухгалтерлік есеп пен қаржылық есептілік туралы заңнамасының талаптарына сәйкес жасалған қосымша жылдық шоғырландырылған қаржылық есептілікті береді.
Ұйымдар депозитарийге беретін қаржылық есептіліктер нені (қандай есептерді) қамтуы тиіс?
1) бухгалтерлік баланс;
2) табыстар мен шығындар туралы есеп;
3) ақша қаражатының қозғалысы туралы есеп (тура немесе жанама әдіс);
4) капиталдағы өзгерістер туралы есеп;
5) түсіндірме жазба (ашып жазу) халықаралық қаржылық есептілік стандарттарына сәйкес жүзеге асырылады.
Уәкілетті ұйым ұйымдардың электрондық есебін қабылдай ма? Егер қабылдамаған жағдайда қандай әрекеттер жасалады?
- Уәкілетті ұйым ұйымдардың электрондық есебі түскен күннен бастап бес жұмыс күннің ішінде ұйымның электрондық мекенжайына қаржылық есептілікті депозитарийге енгізу немесе электрондық есепті қабылдаудан бас тарту себептері туралы хабарлама жібереді
Ұйымдардың депозитарийге тапсыратын қаржылық есептіліктері бойынша қандай жауаптылықта болады?
- Қазақстан Республикасының 2014 жылғы 5 шілдедегі №235-V ҚРЗ. «Әкімшілік құқық бұзушылық туралы» Кодексінің 238, 239-баптарына сәйкес Қазақстан Республикасының бухгалтерлік есеп пен қаржылық есептілік туралы заңнамасын бұзуы бойынша әкімшілік жауапкершілікке тартылады.
Ұйымдардың депозитарийге тапсыратын қаржылық есептіліктері бойынша Сіз қызмет атқарып отырған мекеме тарапынан бақылау жүргізілді ме? Бақылау барысында қандай шаралар қабылданды?
- ҚР ҚМ ІМАК (01.02.2017 жылғы № КВГА-318/514 санды хаты) тапсырмасы бойынша 8 квазимемлекеттік сектор субъектілеріне 2014 жыл үшін ҚР бухгалтерлік есеппен қаржылық есептілік туралы заңнамасының сақталуына аудиторлық іс-шарасы жүргізіліп, жалпы 1 497 540 мың теңге бұзушылық фактілері анықталып, 6 квазимемлекеттік сектор субъектілеріне айыппұл салу түрінде әкімшілік жазаға тарту үшін хаттама толтырылып, қазіргі таңда 449 180 мың теңге айыппұл сомасы жергілікті бюджетке төленді. Қалған сомаларды (1 048 360 мың теңге) өндіру бойынша жұмыстар атқарылуда.
