Брендтік фармацевтикалық компанияларды қолпаштайтын дәрігерлер мен дәріхана қызметкерлерін әкімшілік жауапқа тарту көзделіп отыр, дейді BAQ.kz.
Бұл туралы ҚР Денсаулық сақтау министрінің сөзін келтірген sputniknews.kz жазды.
Қазақстанда қымбат дәрілерді әдепсіз тықпалау үшін медициналық және фармацевтикалық қызметкерлерді жауапқа тарту жоспарланып отыр, деп хабарлады ҚР денсаулық сақтау министрі Елжан Біртанов.
«Бұл дәрілерді әдепті сатуға қатысты нормалар. Біз дәрімен қамтамасыз етуді реттеуге қатысты өзге нормалармен қатар, оның ішінде бөлшек сатудағы дәрінің бағасын белгілеуді әзірлеп қойдық», — деді Біртанов журналистерге.
Сонымен бірге министр қымбат дәрі сатқан фармацептер де жауапқа тартылатынын ескертті.
«Ең алдымен брендтік, қымбат тұратын препараттар ұсынылатын, дәрі-дәрмекті әдепсіз тықпалау үшін дәрігерлерді ғана емес, бірінші кезекте фармацевтикалық қызметкерлерді, яғни медициналық қызметкерлердің жауаптылығын заңды тұрғыда бекіту үшін күзде парламентке енгізуді көздеп отырмыз», — деді министр.
Дереккөз: Baq.kz
