Кеше, 14 сәуірде Түркістандағы Ахмет Ясауи университетінде IV Республикалық «Ясауи» пәндік олимпиада қорытындысы жарияланды, — деп хабарлайды Tengrinews.kz тілшісі университеттің баспасөз қызметіне сілтеме жасап. «Республикалық олимпиадаға еліміздің 14 облысынан және Астана, Алматы қалаларынан 11-сыныптың 7 мыңға жуық оқушысы қатысты. Жасөспірімдер 11 пән бойынша білімдерін сарапқа салып, тек үздіктері жеңіске жетті. Олимпиаданы қорытындылаған университет ректоры, профессор У.Әбдібеков және университеттің Даму және қаржыландыру жөніндегі вице-президенті М.Эрен жеңімпаздарға 1,2,3 дәрежелі Қ.А.Ясауи атындағы Халықаралық қазақ-түрік университетінің білім гранты дипломын табыстады. Өз білімдерімен оқ бойы озып шыққан 100 грант иегеріне ҰБТ-дан 50 баллдан жоғары жинау шартымен Ахмет Ясауи университетінде тегін білім алу құқығы берілді», — деді баспасөз қызметіндегілер.
