ЭКСПО-2017 халықаралық көрмесінің аясындағы мәдени-спорттық шараларды ойдағыдай өткізу үшін Қазақстан 9 млрд теңге жұмсамақ.
Бұл туралы Мәдениет және спорт министрі Арыстанбек Мұхамедиұлы мәлім етті, деп хабарлайды ҚазАқпарат.
«Мәдени-спорттық шараларға 9 млрд теңге қажет. Бұл қаржының 90 пайызы қазақстандық ұжымдардың шараларына арналған. Яғни, Қазақстанның өнер ұжымдарының шығынын біз өз мойнымызға алдық»,-дейді министр.
Оның айтуынша, қаржының 10 пайызы шетелдік әртістер мен ұжымдардың концерттерін ұйымдастыруға жұмсалады. Оның үстіне,бұл қаржының көбін демеушілер бөлген.
«Мысалы, «Эни» компаниясы Ла Скала театрының келіп, кету шығынын өз мойнына алады»,-деп хабарлады Арыстанбек Мұхамедиұлы.
Ақпарат көзі: Naryk.kz
