Шымкентте түркі елінің белгілі философы «Юнус Эмре» атындағы саябақ ашылды. «Шатқал» бағдарламасы аясында бой түзеген демалыс орнының алғашқы капсуласын салу рәсіміне облыс әкімі Жансейіт Түймебаев қатысып, алғашқы ағашын өзі отырғызды. Осылайша, өңір басшысының қаланың экологиялық ахуалын жақсартып, ішкі туризмді дамытуда қолға алған тың бастамасы жалғасын тапты. Яғни, шахардағы қараусыз жатқан сай — салаларды саябаққа айналдыру мақсатында жүзеге асып жатқан «Шатқал» бағдарламасы Шымкенттің он алты мың гектардан астам алқабын жасыл белдеуге айналдыруды мақсат етеді. Ал, бүгін Ұлыстың ұлы күні қарсаңында іргесі қаланған саябақ қаладағы 3-ші демалыс орны саналады.
Ұлдархан Өрісбай