Ашық конкурс арқылы №25 мектептің директоры тағайындалды
Бүгін, Шымкент қалалық әкімшілігінде ашық конкурс арқылы Т.Рысқұлов атындағы №25 мектеп-гимназиясының директоры тағайындалды.
8 үміткер қатысқан конкурс нәтижесі бойынша Жанабаева Роза Уызбекқызы (жоғары санатты информатика және физика пәнінің мұғалімі) аталған білім ұясының директоры болып іріктеліп алынды.
Айта кетерлігі, іргетасы 1981 жылы қаланған бұл білім беру мекемесінде 1800 жуық оқушы білім алуда.
Осыған қоса, Б.Момышұлы атындағы №120 орта мектептің директоры болып Демеуов Ахан Калыбаевич тағайындалды.
Шымкент қаласы әкімінің баспасөз қызметі
