Ордабасы ауданының экономикалық потенциалы жоғары. Аудан облыс орталығына жақын, теміржол және «Батыс Еуропа — Батыс Қытай» магистралінің бойында орналасқан. Сондай-ақ мұндағы жер, су жағдайы ауыл шаруашылығынын, өндіріс пен туризмді дамытуға өте қолайлы өңір. Енді осы салаларды дамыту мақсатындағы жұмыстар өз деңгейінде атқарылуы керек. Бұл туралы Ордабасы ауданы әкімі Алмасбек Мамытбеков пен Шұбар ауыл округі әкімі Қ. Сейітқұлдың есеп беру жиынына арнайы қатысқан облыс әкімі Жансейіт Түймебаев мәлім етті.
2016 жылы Ордабасы ауданында 50 млрд 999 млн теңгенің өнімі өндірілген. Аудан бюджеті 14 млрд 385 млн теңгеге жетсе, жергілікті кірістер 1 млрд 160 млн теңгені құрапты. Ауыл шаруашылық өнім көлемі 29 млрд 433 млн теңгеге артса, мал шаруашылығының өндірісі 15 млрд. 358 млн. 700 мың теңге, егін шаруашылығы бойынша түскен табыс 14 млрд. 075 млн. 100 мың теңгеге жеткен.
Аудан әкімі мен ауыл округі әкімінің жылдық есебін тыңдаған өңір басшысы Жансейіт Қансейітұлы Шұбар ауылдық округінде инвестиция тарту, жаңа жұмыс орындарын ашу бойынша жұмыстардың өз деңгейінде жүргізілмегенін жеткізді.
«Шұбар индустриалды аймағында бірде бір жоба жұмыс істеп тұрған жоқ. 93 гектар жер 3 жылдан бері бос тұр. Сондай-ақ аталған окрукте «Индустрияландыру картасы» мен «Бизнестің жол картасы 2020» бағдарламалары бойынша ешқандай жоба іске асырылмаған. Ауыл шаруашылығы өнімдерін өңдейтін бірде бір шағын цехтар ашылмапты. Аул округі аймағында ішкі жолдардың 66 пайызы қанағаттанарлықсыз жағдайда»,- деді облыс әкімі Жансейіт Қансейітұлы.
Ордабасы ауданының дотациялы өңір екеніне тоқталған облыс әкімі аудан бюджетінің 9 пайызы ғана яғни 1,3 млрд теңгесі өзіндік кірістер, қалған 13 млрд. теңгесі 91 пайызы трансферттер мен субенциялар құрайтынын жеткізді. 2017 жылы ауданға әлеуметтік экономикалық жағдайын арттыру мақсатында республика, облыс бюджетінен 16 млрд. теңге бағатталып отыр.
Аудандағы ең басты мәселе – газдандыру. Осы мақсатта биыл 1,7 млрд теңге бөлініп, тұрғындар көгілдір отынған қол жеткізеді. Сондай-ақ өңірдегі 5 жаңа мектептің құрылысына 2,3 млрд теңге бағытталып отыр.
Ал, Шұбар ауыл окургінде биыл 471 млн теңгеге құрылыс жұмыстары жүргізілетін болады. Атап айтсақ, Береке ауылында 200 орындық мектеп құрылысын жүргізу үшін 248 млн. теңге, Шұбар ауылындағы дәрігерлік емхана құрылысын аяқтауға 125 млн. теңге, Ақбастау бастауыш мектебіне 100 орындық мектеп ғимаратын сатып алуға 28 млн. теңге қаралып отыр. Сонымен қатар, өзекті мәселенің біріне айналған Шұбар ауылынан 150 орындық мәдениет үйін салуға жобалық сметалық құжаттамасын дайындауға 8 млн. теңге қарастырылыпты.
ОҚО әкімінің баспасөз қызметі
