Елбасы жарлығына сәйкес барлық денгейдегі әкімдердің халық алдында есеп беру кездесулері басталды. Осы ретте Шымкент қалалық Абай ауданының әкімі Ахмет Татыбаев та аудан тұрғындары алдында 2016 жылы атқарылған жұмыстарды баяндап өз есебін қорытты. 2016 жылдың қорытындысы бойынша есепті кездесу «Қатынкөпір» шағын ауданына қарасты №52 жалпы орта мектебінде өтті. Жиынға аудан тұрғындары мен «Нұр Отан» партиясының өкілдері, қалалық мәслихат депутаттары және де Шымкент қаласы әкімінің орынбасары Бейсенбек Жанбосынов бастаған әкімдікке қарасты дербес бөлім басшылары және құқық қорғау органдарының қызметкерлері де қатысты. Ал есепті баяндамасын Елбасы жолдауын басшылыққа ала отырып бұған дейінгі кездесулерде аудан тұрғындары тарапынан түскен сұрақтар талап-тілектер мен ұсыныстардың орындалуынан бастаған Ахмет Өтегенұлы ауданда 2016 жылы жүргізілген ауыз сумен қамту жұмыстарының барысын да атап өтті. Айталық, өткен жылы Самал-3 шағын ауданындағы жоба бойынша 3700-ден астам абонентті ауызсумен қамту бағытында құрылыс жұмыстары басталса, Қызылжар, Ынтымақ шағын аудандары бойынша 2661 үйге су кіргізу мақсатындағы құрылыс монтаж жұмыстары да аяқталған. Бұл күні жарыссөзге шығып аудан әкімінің жылдық есебіне баға берген тұрғындар айтып өткен мәселелердің дені қоғамдық көліктер жайы, кейбір елді-мекендердегі білім мекемелерінің жетіспей жатқандығы болса, тұрғындардың енді ұрлық әрекеттерінің көбейіп бара жатқандығы алаңдатып отыр. Аудан тұрғындары айтқан өзекті мәселелердің дені коммуналдық салаларға қатысты болғандықтан есепті кездесуде қойылған бірқатар сауалдар бойынша Шымкент қаласы әкімінің орынбасары Бейсенбек Жанбосынов жауап беріп, кей проблемалардың биылғы жылы өз шешімін табатындығын жеткізді. Яғни, елді-мекендерді жарықтандыру жол құрылыстары мен биыл салынатын бірнеше білім мекемесінің қатарында Абай ауданы бойынша жүзеге асырылатын бірқатар жобалар бар.
Я ПОГИБ ПОД РЖЕВОМ
Ранней весной 2013 года в мой адрес поступил звонок от президента ТРК «Айгак» Абиш Дулатбека Назарбековича с...
