Барлық адам жаңа жыл мерекесін асыға күтеді. Бұл ретте көбі мерекелік үстелді мол етіп дайындауға тырысады: салаттар, тіске басарлардың түр-түрін, торттар мен бәліштерге дейін болады. Алайда егер абай болмасаңыздар, мерекелік дастарқанды тамақтан улану бұзуы мүмкін.
Осыған байланысты, мереке күндерінде тамақтан уланудың алдын алу үшін Қазақстан Республикасы Ұлттық экономика министрлігінің Тұтынушылардың құқықтарын қорғау комитеті алда келе жатқан төрт күн демалыста мынадай қағидаларды сақтауды ұсынады. Әдетте қоғамдық тамақтану және сауда объектілері мереке күндері аспаздық және кремі бар кондитерлік өнімдерді үлкен мөлшерде дайындайды. Осы күндері сақтау және сату мерзімі қысқа түрлі салаттар, ет және балықтан дайындалған тіске басарлар, ет сілікпелері, құйма еттер, тауық етінен жасалған тағамдар және басқалары ең көп сұранысқа ие болады. Осыған байланысты, тамақ өнімінің қауіпсіздігін және сапасын растайтын құжаттардың болуына, сондай-ақ оларды сату және сақтау жағдайларына назар аударуды сұраймыз. Белгіленбеген сауда орындарынан, адамдардан тамақ өнімдерін, әсіресе үйде дайындалған консервілерді сатып алмаңыздар, бұл ботулизммен ауыруға алып келуі мүмкін. Республикада жыл сайын үйде дайындалған консервілерді (көкөніс салаттары, саңырауқұлақтар) пайдаланумен байланысты өліммен аяқталған ботулизм жағдайлары тіркеледі. Мерекелік үстелген тағамдар дайындау кезінде оларды сақтау және пайдалану мерзімін сақтаңыздар, шикі және дайын тағамдарды бірге сақтауға жол бермеңіздер, ал сапасыздыққа аздаған күдік пайда болғанда, әсіресе өткен кештегі үстелден қалған тағамдарды пайдаланбау керек. Жеке гигиена қағидаларын және тазалықты сақтаңыздар. Жаңа жылдық мереке кезінде келесі демалыс күндеріне арнап тамақты молынан дайындамаңыздар. Құс етінен жасалған, жұмыртқа қосылған дайын тағамдар, майонез және қаймақ қосылған салаттар, кремі бар кондитерлік өнімдер (торттар, бәліштер) барынша үлкен қауіп төндіреді.
ҚР Тұтынушылар құқығын қорғау комитеті.