Оңтүстік Қазақстан облысында «Шымкент-Антитеррор-2016» терроризмге қарсы жедел-тактикалық жаттығулар өткізу жоспарланған, — деп хабарлайды Tengrinews.kz тілшісі аймақтың ҰҚҚ департаментіне сілтеме жасап.
Жаттығулар 2016 жылдың 29 қарашасында Шымкенттің Қаратау ауданында өтеді. Жаттығу мақсаты облыстық терроризмге қарсы күрес жедел штабы мүшелері мен оның жедел топтарының реттілігін жетілдіру. Сондай-ақ, арнайы жасақтардың қызметтік міндетін орындаудағы практикалық дағдыларын көтеру мен терроризм актілерінің алдын алу кезінде жағдайды бағамдай алу.
«Жаттығу барысында хабар тарату, жинақтау, жедел штабтың күштерін террорлық акт орнына жеткізу жүйесі тексеріледі. Шымкент тұрғындарын аталған іс шараларды өткізуге түсіністікпен қарауларыңызды және қолайсыздықтар үшін кешірім сұраймыз», — делінген хабарламада.
Ақпарат көзі: Tengrinews.kz
