Қазақстанда жаңа аңшылық маусым 3 қыркүйектен басталады, деп хабарлады ҚазТАГ тілішілері ҚР ауыл шаруашылығы министрлігінің баспасөз қызметіне сілтеме жасай отырып.
«2016-2017 жж. аңшылық маусым 3 қыркүйектен басталып, келер жылдың 15 ақпанына дейін созылмақ. Соған қарамастан, аңшылық маусымының ақырғы күні қандай аң түрін аулауға байланысты болмақ», — делінген ведомство хабарында.
Хабарда түсіндірілгендей, Қазақстан аумағында аңшылық нысандарына сүтқоректілердің 34 және құстардың 59 түрі жатқызылды.
Атап айтсақ, 3 қыркүйектен бастап бұғыға, аюға, сібірлік тау ешкісіне, сібірлік елікке, доңызға, шілге, жабайы құстар (қаз, үйрек) және қарабауырға аңшылық етуге рұқсат беріледі.
Бүгінгі күні Қазақстанда шамамен 690 аңшылық шаруашылық тіркелген. Қорықшылар саны 2600 адамды құрайды. Жануарлар дүниесін қорғауға 2200 автокөлік жұмылдырылған.
Ұсынылған ақпарға сәйкес, 2016 жылдың 18 тамызындағы жағдай бойынша орман шаруашылығы мен жануарлар дүниесінің заңдарын бұзғандары үшін 4774 хаттама толтырылып, 4643 адам әкімшілік және 30 адам қылмыстық жауапкершілікке тартылған.
