Облыстық Мәдениет басқармасын ұзақ жылдар басқарған Күлия Айдарбекова «Түркістан» сарайының басшысы болып тағайындалды.
Күлия Смайылханқызы Айдарбекова 1960 жылы 15 қазанда дүниеге келген. Қазақ мемлекеттік университетін журналист мамандығы бойынша тәмамдаған. 1982-1984 жылдары «Фосфор үшін» газетінің тілшісі. 1984-1989 жылдары «Ильич жолы», «Путь Ильича» аудандық газеттерінде бөлім бастығы. 1989-1993 жылдары Төлеби аудандық атқару комитетінде аға референт, жауапты хатшы. 1993-1994 жылдары Ішкі саясат, құрылыс, көлік, байланыс және сауда бөлімінде бас маман. 1994-1998 жылдары Төлеби ауданы әкімі аппаратында ұйымдастыру инспекторлық бөлімінің инспекторы, аудандық әкімшілік тілдер бөлімінің меңгерушісі. 1998-2008 жылдары Төлеби ауданы әкімі аппаратының аймақтық даму және кадрлар бөлімінің бас маманы, аудандық ақпарат және мәдениет бөлімінің бас маманы, аудандық мәдениет бөлімінің бастығы, аудандық мөдениет және тілдерді дамыту бөлімінің меңгерушісі. 2008-2009 жылдары Оңтүстік Қазақстан облысы мәдениет басқармасы бастығының орынбасары. 2009 -2010 жылдары ОҚО тілдерді дамыту басқармасының бастығы. 2010 жылдан бері Оңтүстік Қазақстан облыстық Мәдениет басқармасын басқарған.
Осыдан бірер жыл бұрын бой тіктеген зәулім сарайдың басшылығына келген Күлия Смайылханқызын жаңа қызметімен құттықтап, алдағы жұмысына сәттілік тілейміз!
