Қазақстан Мұсылмандары діни басқармасы тарапынан 2016 жыл «Дін және тарих тағылымы» жылы деп жарияланған болатын. Осыған орай бүгін облыс имамдарының кезекті форумы өтті. Келелі басқосуға дін істері жөніндегі басқарма басшылары, ғұламалар кеңесінің мүшелері және облыстың 800-ге тарта имам молдалары мен медрессе ұстаздары қатысты. 2016 жылды «Дін және тарих тағылымы» жылы деп жарияланған Қазақстан Мұсылмандары діни басқармасы осыған сәйкес биылғы жылы бірқатар іс-шаралар жоспарын әзірлеген. Соның бірі ретінде бүгін облыс имамдарының кезекті форумы ұйымдастырылды. Мұндағы мақсат діни және тарихи дәстүрлеріміздің қолданыстағы жүргізілу барысы, алдағы келе жатқан қажылық маусымын кеңінен насихаттау, сондай-ақ діни экстремизм мен тероризмнің алдын алу жұмыстарының жүзеге асырылу барысын талқылау болып табылады. Облыстың Бас имамы Ахметжан Керімбектің төрағалық етуімен форум жұмысына Қазақстан Мұсылмандары діни басқармасы жанынан құрылған «Ғұламалар кеңесі мен Зекет қорының мүшелері, және облыстың 800-ге жуық имам молдалары және медрессе ұстаздары да қатысты. Ал форум барысында бірқатар баяндамалар жасалды. 
Форум барысында имамдардың біліктілігін арттыру, жоғары оқу орындары, медресселер мен мешіттер жанындағы сауат ашу курстарының бағдарламаларын жетілдіру мәселелері де талқыланды. Айталық мешіттер жанындағы діни сауат ашу курстарынан жыл басынан бері 6 мыңнан жастар тәлім алған. Осы және өзге де мәліметтер айтылған жиында мұсылмандықтың дәстүрлі жолы бойынша да мақсатты түсініктемелер берілді.
Келелі басқосуда Қазақстан Мұсылмандары діни басқармасы жанынан 2009 жылы құрылған Ғұламалар кеңесінің мүшелері де баяндама жасады. Аталмыш кеңестің мақсаты ислам негіздеріне сүйене отырып, қоғам өмірінде мұсылмандық ұстанымға қатысты туындап отырған өзекті мәселелерде пәтуалар шығарады. Басқарманың жалпы қызметі жүйесі және оның имамдары қызметінің негізгі бағыттарын зерттейді. Уағыз тақырыптары мен жұма уағыздары мәтіндерін бекітеді. Міне осындай маңызды міндетті жүзеге асырушы ғұламалар кеңесінің өкілдері де форумда орамды ойларын ортаға салды. Осылайша өрбіген форумда бірқатар баяндамалар жасалып ұсыныс пікірлер айтылды. Ал жиын соңынан арнайы қарар қабылданып, барша делегаттарға ас берілді.
Абай Омар
