Оңтүстік Қазақстан облысында ОҚО ІІД Ұйымдасқан қылмысқа қарсы күрес басқармасының қызметкерлері 2016 жылдың 21 мен 23 маусым аралығында жеңгетайлыққа қатысты қылмысты болдырмау, жезөкшелікпен айналысуға арналған притондар ұйымдастыру, адам саудасы және өзге де қылмыстарды болдырмау мақсатында «Стоп-траффик» жедел-алдын алу шарасын өткізді. «Стоп-траффик» жедел-алдын алу шарасы барысында тәртіп сақшылары 6 жеңгетайлық жайтын анықтады. Сонымен, рейдтік шара кезінде полицейлер Шымкент қаладағы сауналардың бірінде тұтынушыларға интимді қызмет көрсету үшін жеңіл жүрісті қыздардан 2 мың теңге көлемінде сыйақы алған аталған орынның әкімшісін құрықтады. Аталған жайт бойынша ҚР ҚК 309-бабымен «Жезөкшелiкпен айналысуға арналған притондар ұйымдастыру немесе оларды ұстау және жеңгетайлық» қылмыстық іс қозғалды. Сотқа дейінгі тергеу амалдары жүргізілуде. Сонымен қатар, тәртіп сақшылары ішкі істер органдарының есебіне жеңіл жүрісті 15 әйелді тіркеді.
Полицейлер жыл басынан бері 36 қылмысты тіркеген. Олардың ішінде: адам саудасы бойынша 4 жайт, кәмелетке толмағандардың саудасы – 2 жайт, 3 – адам ұрлығы, 3 — заңсыз бас бостандығынан айыру жайты, 4 жайт жезөкшелік ісіне тарту, сондай-ақ кәмелетке толмағандарды жезөкшелік ісіне тарту бойынша 1 жайт тіркелген. Тәртіп сақшылары жезөкшелiкпен айналысуға арналған притондар ұйымдастыру бойынша 20 жайт анықтады.
Өз кезегінде Ұйымдасқан қылмысқа қарсы күрес басқармасының қызметкерлері адам саудасына қатысты қандай да бір оқиғаның құрбаны болса немесе белгілі бір ақпарат білетіндер болса, ОҚО ІІД сенім телефонына хабарласуын сұрайды. Тел.: 98-00-56
