Кеше «Нұр Отан» партиясы ОҚОФ үлкен мәжіліс залында Оңтүстік Қазақстан облыстық қоғамдық кеңестің отырысы өтті.
Кеңес отырысына облыс әкімінің орынбасары Е.Садыр, облыстық қоғамдық кеңес мүшелері, облыстық басқарма басшылары, БАҚ өкілдері қатысты. Отырысты облыстық қоғамдық кеңес төрағасының міндетін атқарушы, облыстық мәслихаттың депутаты Ө.Мелдеханов ашып, жүргізіп отырды. Кеңестің күн тәртібінде «2016-2018 жылдарға арналған облыстық бюджетті нақтылау туралы» мәселесі қаралды.
Отырыс барысында облыстық экономика және бюджеттік жоспарлау басқармасы басшысының міндетін атқарушы Ж.Олжатай баяндама жасап, жалпы облыстық бюджетке енгізілетін өзгерістер туралы және қосымша түсетін қаржылары негізінде әлеуметтік салаға бағытталған қаржылар жөнінде мәлімдеді. Сонымен қатар, мәжіліс барысында қоғамдық кеңес мүшелері тарапынан баяндамашыға және облыс әкімінің орынбасары Е.Садырға сұрақтар қойылып, ұсыныстар енгізілді. Кеңес отырыс қорытындысымен күн тәртібіндегі мәселе коғамдық кеңес мүшелері тарапынан бірауыздан мақұлданып, облыстық мәслихат қарауына ұсынылды.
ОҚО әкімінің баспасөз қызметі
