Бүгін 23 — маусым мемлекеттік қызметшілер күніне орай, облыс әкімі аппараты басшысының орынбасары Ә.Байсынов Қазақстан Республикасы Ассамблея төрағасының орынбасары Розақұл Халмурадовтың шаңырағына арнайы барып, облыс әкімінің құттықтауын жеткізді. Өз сөзінде Ә.Байсынов мемлекеттік қызметте ұзақ жылдар бойы абыройлы еңбек етіп, жастарға көрсеткен үлгісі үшін ардагерге алғысын білдірді. Еліміздің игілігі үшін атқарған еңбектерімен алдағы уақытта да абырой биігінен көріне беруіне тілектес болды. Розақұл Сатыбалдыұлы 1941 жылғы 1 мамырда Оңтүстік Қазақстан облысы Сайрам ауданы Манкент ауылында туған. Еңбек жолын Манкент ауылында колхозшы болып бастаған. Ол бүгінге дейінгі қызмет жолында Сайрам ауданының әкімі, облыс әкімінің орынбасары және әкімнің кеңесшісі, облыстық тәртіптік кеңестің төрағасы – Қазақстан Республикасы Мемлекеттік қызмет істері агенттігі аумақтық басқармасының бастығы болып абыройлы еңбек еткен. Ал 2007-2016 жылдары ҚР Парламенті Мәжілісінің төртінші және бесінші шақырылымдағы депутаты болған. 2016 жылы Қазақстан халқы Ассамблеясының XXIV сессиясында Мемлекет басшысы Н.Назарбаевтың өкімімен Розақұл Сатыбалдыұлы Халмурадов Қазақстан халқы Ассамблеясы Төрағасының орынбасары болып тағайындалды. Ел игілігі жолындағы ерен еңбегі үшін I, II дәрежелі «Достық», «Құрмет белгісі» ордендерімен, Қазақстан КСР Жоғары Кеңесінің Құрмет грамотасымен және 6 медальмен марапатталған. Сонымен қатар, Оңтүстік Қазақстан облысының, Түркістан қаласының, Сайрам ауданының Құрметті азаматы.
ӨРТ СӨНДІРУШІЛЕР МЕН ПОЛИЦИЯ БІРЛЕСІП РЕЙД ӨТКІЗДІ
Шымкент қаласында төтенше жағдайлар қызметі мен полиция департаменті бірлесіп кезекті профилактикалық рейд жүргізді. Басты мақсат – жарық шамы мен...
