Сонымен, ОҚО ІІД Жергілікті полиция қызметі табиғатты қорғау полиция қызметкерлері екі ай нәтижесінде 11 экологиялық қылмыс және 74 әкімшілік құқықбұзушылық жайтын анықтады. Мұндай жайттың бірін тәртіп сақшылары ОҚО Шардара ауданында анықтады. Рейдтік шара барысында табиғатты қорғау инспекциясымен бірге Шардара өзені жағалауында электрқұрылғымен заңсыз балық аулап отырған 1990 ж.т. жергілікті тұрғынды құрықтады. Айғақты зат ретінде күдіктіден 3 кг сазан, резина қайық тәркіленді. Полицейлер ҚР ҚК 335-бабымен «Балық ресурстарын, басқа да су жануарларын немесе өсiмдiктерін заңсыз алу» қылмыстық іс қозғады. Сотқа дейінгі тергеу амалдары жүргізілуде.
Ал, ОҚО Созақ ауданында ағымдағы жылдың ақпан айында АІІБ жергілікті полицейлері табиғатты қорғау инспекциясымен бірлесе өткізген рейдтік іс-шара кезінде қызыл кітапқа енген жануарларды аулау жайтын анықтады. Бетпақдала аумағында тәртіп сақшылары 1981 ж.т. Созақ ауданының тұрғынын заңсыз сайғақ жануарын аулау кезінде құрықтады. Күдіктіден айғақты зат ретінде Қазақстанның Қызыл кітабына енген сайғақ-ақбөкен жануарын және аңшы мылтығын тәркіледі. Аталған жайт Созақ АІІБ-на рікеліп, ҚР ҚК 339-бабымен «Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу» қылмыстық іс қозғалды. Сонымен қатар, рейдтік шара барысында тәртіп сақшылары табиғатты қорғау заңдылығын бұзғаны үшін 74-і әкімшілік жауапкершілікке тартылды және жалпы миллион теңге көлемінде айыппұл өндірілді.
ОҚО ІІД баспасөз қызметі
