ОҚО Аймақтық коммуникациялар қызметінде облыс әкімінің кеңесшісі – Әдеп жөніндегі уәкілі Әмірдин Әлішев баспасөз мәслихатын өткізіп, Әдеп жөніндегі уәкілге жүктелген міндеттердің орындалуын баяндады. «Өздеріңізге мәлім, жылдың басынан елімізде «Мемлекеттік қызмет туралы» ҚР Заңына сәйкес, әдеп жөніндегі уәкіл тағайындалған болатын. Әдеп жөніндегі уәкіл мемлекеттік қызметтегі жаңа иститут болып табылады. Оның міндеті – қызметтік әдеп нормаларының сақталуын қадағалап, мемлекеттік қызметшілер мен азаматтарға кеңес беру»,- деді Ә.Әлішев.
Брифинг барысында Әдеп жөніндегі уәкілі осы жылдың сәуір, мамыр айларында облыстық басқармалар мен аудан, қалаларда жергілікті атқарушы органдарда 3712 мемлекеттік қызметшілер қамтылған семинар-кеңестер өткізілгенін айтты. Сонымен бірге, осы уақыт ішінде мемлекеттік қызметшілер мен тұрғындар арасында жеке қабылдау өткізіліп, оған 53 азамат қатысқан. Ал 5 азаматтан арыз-шағым түссе, оларға дер кезінде тексерулер жүргізіліп, өтініш иелеріне жауаптар жолданды.
Әдеп кодексінің талаптары жекелеген мемлекеттік қызметшілер тарапынан бұзылғандығы байқалған жағдайда әрбір мемлекеттік қызметші немесе басқа да азаматтар Әдеп жөніндегі уәкілге хат арқылы немесе көрсетілген сымтетікпен 8(7252) -24-70-42 Уәкілге хабарлауына болады.
ШАҢЫРАҚ ШАТТЫҒЫНА КЕНЕЛГЕН 30 ОТБАСЫ
Шымкент қаласында тұрғын үй кезегінде тұрған 95 мыңнан астам азамат бар. Бүгінде 30-ға жуық мемлекеттік және бюджеттік ұйым қызметкерлері, сондай-ақ...
