Оңтүстік Қазақстан облысында «Қауіпсіз жол» жедел-порфилактикалық іс-шарасының қорытындысы белгілі болды. Бес күнге созылған рейд кезінде Жергілікті полицияның жеке құрамы мен ОҚО ІІД әкімшілік полиция басқармасы күшейтілген қызмет атқару тәсілінде жұмыс істеді. Атап айтқанда, Шымкент пен Түркістан, Сарыағаш және Жетісай қалаларының шығатын және кіретін жолдарында түнгі уақытта патрульдік жасақшалар Жылдам қимылдайтын арнайы жасақ (СОБР) қызметкерлерімен күшейтілді.
Бес күндік рейд кезінде жол қозғалысы саласы бойынша 5507 құқықбұзушылық тіркелсе, оның 889 жағдайы көлікті басқару кезінде телефонды пайдалану бойынша анықталған. Ал 1248 жағдай қауіпсіздік белдігін тақпау себебімен орын алса, 236 факті жылдамдықты арттыру, 225 жағдай маневр жасау тәртібін бұзу мәселесімен тіркелген. Ал 440 құқықбұзушылық жаяу жүргіншілерімен ЖЖҚ бұзу фактісі бойынша тіркеліп, 380 тәртіпсіздік қоғамдық көлік жүргізушілерінің құқықбұзушылығымен орын алды.
Құқықбұзушылық жасаған қоғамдық көлік жүргізушілерінің және тасымалдаумен айналысатын мекемелерінің тізімі әкімшілік құқықбұзушылық туралы хаттамаларымен бірге ОҚО бойынша жолаушалыр көлігі және автомобиль жолдары басқармасына шара қолдану үшін жолданатын болды.
ОҚО әкімінің баспасөз қызметі
