2016 жылғы 23 мен 25 мамыр аралығында ОҚО ІІД Жергілікті полиция қызметінің полицейлері облыс аумағында жол-көлік оқиғаларының алдын алу, сондай-ақ облыс автожолдарында қалыптасқан жедел жағдайды жақсарту, автоапаттылық деңгейін азайту, оның ішінде жолаушылар көлігінің қатысуымен жол көлік оқиғаларын қысқарту және олардың салдарынан болатын ауыртпашылықты төмендету мақсатында өткізген «Қауіпсіз жол» жедел-алдын алу шарасының нәтижесін шығарды. Жедел-профилактикалық іс-шара өткізу кезінде тәртіп сақшылары ЖКО мен оның салдарының ауырлығын төмендетуге шаралар қабылдауға, тұрақты және тұрақсыз тасымалдаумен айналысатын жүргізушілер арасында жол ережесін қасақана өрескел түрде бұзушыларды анықтау, оның ішінде жолаушыларды, багажды және жүктерді тасымалдау ережелерін бұзу, тасымалдауды жүзеге асыру кезінде жүргізушілердің еңбек және демалыс режимін бұзу, автокөлік құралдарын жүргізушілерде жолаушылар тізімінің болмауы, тұрақты немесе тұрақты емес тасымалдауды жүзеге асыру кезінде рейс алдындағы техникалық тексеруден өтпеу, тиісті рұқсатсыз қайта жабдықталған көлiк құралын басқару, ұялы телефон мен рация пайдалану, белгіленген жылдамдықты асыру, жолдың қарама-қарсы бөлігіне шығып кету жайттарын және заңсыз (нелегалды) тасымалдаумен айналысатын заңды және жеке тұлғаларды анықтауға бағытталған. «Қауіпсіз жол» жедел-алдын алу шарасына Жергілікті полиция қызметінің мыңнан аса қызметкерлері мен ОҚО ІІД-нің өзге де бөлімдерінің жеке құрамы жұмылдырылды.
«Қауіпсіз жол» жедел-алдын алу шарасының үш күнінде 3 мыңнан аса жол ережесін бұзушылықты анықтады, оның ішінде қоғамдық көліктердің жүргізушілеріне қатысты – 124 жайт анықтаған. Тәртіп сақшылары жүргізушілердің еңбек және демалыс режимін бұзушылық бойынша – 5 жайт, 6- транспорттық және медициналық қараудан өтпеген, жүк және жолаушы тасымалдауға сәйкес емес куәлікпен жүрген – 18, заңсыз автокөлік жабдықталған – 9, ұдайым емес тасымалдаушы жүргізушілердегі жолаушылар тізімінің жоқтығы – 2 жайт анықталған.Сондай-ақ, рейд барысында полицейлер қауіпсіздік белдігін қолданбау– 678, ұялы телефон пайдаланғаны бойынша 457 жайт, техникалық байқаудан өтпеген автокөлікті басқарған – 165, жылдамдықты асыру – 134, маневр жасау тәртібін бұзу – 88, жаяу жүргіншілерге басымдық бермеу –44, 23 – бағдаршамның тыйым салынған сигналына өткен, қарама-қарсы жолаққа шығу – 13 және апаттық жағдайды тудырған — 3 жайт орын алған. Жаяу жүргіншілерге қатысты жол ережесін бұзған 193 жайт анықталған.Рейд кезінде полицейлер масаң күйде автокөлік басқарған 34 жүргізушіні ұстады. Көлік құралын басқаруға құқығы жоқ 78 құқықбұзушыны әкімшілік жауапкершілікке тартқан, 2 жүргізушіні көлік құралын басқару құқығынан айырған. Жол ережесін бұзған 8 автокөлік айыптұраққа жеткізілген.
Оңтүстікқазақстандық полицейлер облыс тұрғындары мен қонақтарына жол қауіпсіздігі ережесін сақтаудың маңызды екенін еске салады, жүргізушілерге барынша мұқият болуға, жол ережесін бұзбай автокөлік басқаруға кеңес береді. Ал жаяу жүргіншілерге арнайы өтпелі жолдармен жүруді ескертеді.
ОҚО ІІД Баспасөз қызметі
