Қазығұрт АІІБ-нің полицейлері жүргізген жедел іздестіру іс-шарасы барысында ауданда орын алған мал ұрлығына қатысы бар деген күдікпен 1987, 1996, 1997 жылы туылған, жұмыссыз жергілікті үш тұрғынын құрықтады. Тергеу кезінде күдіктілердің ағымдағы жылдың басынан бері орын алған 13 мал ұрлығы жайтына қатысы бар екені анықталған. Сонымен, Қазығұрт АІІБ-на 43 жастағы жергілікті тұрғын 2016 жылдың ақпан айының ортасында белгісіз тұлғалар ауласынан бағасы 300 мың теңгеден асатын 3 бас ірі қара малын ұрлағаны туралы арызданған.Мал ұрлаушылар бір жүйе бойынша әрекет етіп отырған. Олар тұрғындардың ауласына түнде жасырын кіріп, қораларынан түрлі ірі қара малдары мен қойларын ұрлап отырған.
Одан кейін, жас азаматтар ұрланған малдарды жақын маңдағы базарларда сатып, ақшасын өз мүдделеріне жаратып отырған. Жәбірленушілерге келген шығын көлемі жалпы миллион теңгені құрайды. Полицейлер айғақты зат ретінде ұрланған малдың бір бөлігін өз иелеріне қайтарды. Аталған жайт бойынша ҚР ҚК 188-бабымен «Ұрлық» қылмыстық іс қозғалды. Сотқа дейінгі тергеу амалдары жүргізілуде. Қазіргі таңда қылмыстық іс бойынша жинақталған мәліметтер процессуалды шешім шығару үшін сотқа жолданды.
ОҚО ІІД баспасөз қызметі