Орыс православ шіркеуінің Шымкент епархиясының құрылғанына 25 жыл толуына орай, Оңтүстік өңіріне Қазақстан Республикасындағы орыс православ шіркеуінің митрополиттік округының басшысы – Астана және Қазақстан митрополиті Александр іс-сапармен келді. Іс-сапар барысында Қазақстан мұсылмандары діни басқармасы (ҚМДБ) Оңтүстік Қазақстан облысы өкілдігінде Астана және Қазақстан митрополиті Александр мен ҚМДБ ОҚО бойынша өкіл имамы Керімбек Ахметжан Пірәліұлының кездесуі өтті. Тәуелсіздігіміздің 25 жыл ішінде Қазақстанда көптеген мешіттер мен храмдар қалпына келтіріліп, тұрғындардың рухани қажеттіліктерін қанағаттандыруда. Аталған бағытта ҚМДБ мен Орыс православ Шіркеуі бірлесе жұмыстар атқарып, бейбітшілік пен конфессияаралық келісімді орнатуға, рухани құндылықтардың дамуына, бірлік пен діни тұрақтылықты нығайтуға өз үлестерін қосып келеді. Бүгінгі таңда облысымызда 11 конфессияға енетін 853 діни бірлестік пен олардың филиалдары жұмыс істейді. Соның ішінде, православтық бағытта 18 діни бірлестік болса, исламдық бағытта 790 мешіт бар. Кездесу барысында Қазақстан Республикасындағы орыс православ шіркеуінің митрополиттік округының басшысы – Астана және Қазақстан митрополиті Александр мен ҚМДБ ОҚО бойынша өкіл имамы А.Керімбек арасында әңгіме-сұхбат жүргізіліп, облыс аумағындағы конфессияаралық жұмыстар жөнінде өзара пікір алмасылып, облыстағы этносаралық және конфессияаралық тұрақтылық сақтау мәселелері, діни бірлестіктердің татулық пен келісімді нығайтудағы рөлі кеңінен талқыланды. Сонымен қатар, Астана және Қазақстан митрополиті Александр Қазақстан мұсылмандары діни басқармасының ОҚО бойынша өкіл имамы Керімбек Ахметжан Пірәліұлына 25 жылдың бірлескен жемісті жұмыстары үшін шынайы алғысын білдіріп, конфессияаралық өзара үйлесімділік пен төзімділікті қамтамасыз етуде табыстар тіледі. Кездесу соңында Қазақстан мұсылмандары діни басқармасының ОҚО бойынша өкіл имамы Керімбек Ахметжан Пірәліұлы Астана және Қазақстан митрополиті Александрге естелік сыйлық тапсырды
ТҮРКІСТАН ОБЛЫСЫНДА КӨКТЕМГІ ЕГІСКЕ 36,8 МЛРД ТЕҢГЕ БӨЛІНДІ
Көктемгі егін егу жұмыстарына дайындық аясында Түркістан облысы биыл ауыл шаруашылығы саласына ерекше мән беріп отыр. Нұралхан Көшеров Үкімет отырысында...
