Бүгін, Оңтүстік Қазақстан облысында «Нұр Отан» партиясының бастамасымен қолға алынған «Ауыл тұрғындарын жұмыспен қамту» жобасын практикалық тұрғыдан іске асыру мәселелеріне арналған семинар-кеңес өтті. Жиынға облыс әкімінің орынбасары Сапарбек Тұяқбаев, «Нұр Отан» Партиясының хатшысы Қаныбек Жұмашев еліміздің бес өңірінен келген делегаттар мен салаға қатысты мамандар және БАҚ қатысты. Жиында сала мамандары мал шаруашылығын дамытуда ауылшаруашылығы кооперацияларын құру мәселелерін талқылады. Еске салсақ, өткен жылдың желтоқсан айында ауылдық жерлерде жұмыспен қамту саясатын белсенді жүргізу, кәсіпкерлікті дамыту және жұмыссыздық деңгейін төмендету мақсатында «Нұр Отан» партиясы мен ҚР Денсаулық сақтау және әлеуметтік даму министрлігі арасында бірлескен түрде арнайы меморандумға қол қойылған болатын. Басқосудың бірінші болып ОҚО-да өтуі — біздің өңірдің түрлі салалар бойынша оңды тәжірибесінің арқасында мүмкін болып отыр. Ал негізінен, шағын тауарлық өндірісті дамытуға қаражат бөлу жөніндегі меморандум 5 пилоттық өңір — Ақтөбе, Алматы, Жамбыл, Қызылорда және Оңтүстік Қазақстан облыстарында жүзеге аспақ. Осылайша, ауыл тұрғындарына 6 млн. теңгеге дейін 5 жыл мерзімге төмендетілген мөлшерлемемен шағын несие беру жөніндегі партия ұсынысын Үкімет қолдады. Тұрақты жұмыс орындарын ашуға, жеке қосалқы шаруашылықтар негізінде отбасылық бизнесті дамытуға бағытталған бұл жобаның қаржыландырылуы «Жұмыспен қамту жол картасы 2020» бағдарламасы арқылы іске аспақ. Жобаның бірқатар артықшылықтары бар. Атап айтқанда, отбасылық кооперация мен ауылда өндірілетін өнімді тиімді жылжытудың логистикасын дамыту көзделуде. Айта кетейік, «Ауыл тұрғындарын жұмыспен қамту» жобасы 2014-2016 жылдары Оңтүстік Қазақстанда іске асырылған мал шаруашылығын дамыту бағдарламасының оңды тәжірибесі негізінде жүзеге асырылмақ. Бағдарламаны іске асыру басталғалы бері 26,4 мың тонна ет, 13,2 мың тонна сүт өндіріліп, 11 мыңға жуық жұмыс орны ашылған. Одан басқа, тұрақты түрде сүт өткізуден табыс алатын 30 682 адам қамтылған. Кеңеске қатысушылар Оңтүстік Қазақстан облысының аудандарында болып, несие алушы фермерлермен кездесіп, өңірдегі қосалқы шаруашылықтардың жұмысымен таныспақ.
ЕРЖҮРЕК ПОЛИЦЕЙЛЕР ЖАНАРМАЙ БЕКЕТІНДЕГІ ЖАРЫЛЫСТЫҢ АЛДЫН АЛДЫ
Бесінші қыркүйек түні патрульдеу кезінде шымкенттік полиция инспекторлары Ерсұлтан Өмірзақов пен Рахат Мырзабеков өздерінің қырағылығы мен батыл қимылының арқасында үлкен...
