Дүйсенбіде Оңтүстік Қазақстан облыстық Ішкі істер департаментінде жыл сайынғы дәстүрге айналған үздік полиция қызметкерлерін марапаттау рәсімі болып өтті. Олар өз қызметтік міндеттерін орындау барысында және спортта жетістікке жеткендер. Іс-шараның мақсаты – кәсібилікті одан әрі жетілдіру, жас полицейлерді тәрбиелеу, ОҚО ІІД-нің жеке құрамын материалдық және моральдық ынталандыру. Салтанатты рәсімге департаменттің басшылығы және жеке құрам қатысты. ОҚО ІІД-нің бастығы, полиция генерал-майоры Асқар Шуашұлы Оспанов жеке құрамды мерекелерімен құттықтап және үздік қызметкерлерді марапаттады. Сонымен, үздік қызметкерлер 11 номинация бойынша марапатталды.
Үздіктердің үздігі атанған полицейлер:
«Үздік басшы қызметкер» номинациясы бойынша Шымкент ҚІІБ Әл-Фараби ПБ-нің бастығы, полиция полковнигі Жалғасов Нұрмахан Тоғайбайұлы марапатталды.
«Үздік жедел уәкіл» номинациясы бойынша Сарыағаш АІІБ-ның аға жедел уәкілі, полиция подполковнигі Джигитов Бекболат Есіркепұлы марапатталды.
«Үздік тергеуші» номинациясы бойынша Шымкент ҚІІБ Әл-Фараби ПБ-нің аға тергеушісі, полиция майоры Қарсыбаев Ерғали Рахманбердіұлы марапатталды.
«Үздік анықтаушы» номинациясы бойынша Сарыағаш АІІБ-ның анықтаушысы, полиция аға лейтенанты Балганов Абай Жанбырбайұлы марапатталды.
«Үздік криминалист» номинациясы бойынша Қазығұрт АІІБ-нің аға криминалисті, полиция майоры Қалмұрзаев Мұхтар Қожабергенұлы марапатталды.
«Үздік учаскелік полиция инспекторы» номинациясы бойынша Түлкібас АІІБ-нің учаскелік полиция инспекторы, полиция капитаны Құрманбай Қолғанат Мадиярұлы марапатталды.
«Үздік көші-қон полиция инспекторы» номинациясы бойынша ОҚО ІІД Көші-қон полиция басқармасының инспекторы, полиция майоры Горбатенко Марина Борисовна марапатталды.
«Үздік жол-патрульдік полиция инспекторы» номинациясы бойынша Шымкент ҚІІБ Жол-патрульдік полиция полкінің полицейі, полиция сержанты Умирбеков Ынтымақ Бекжігітұлы марапатталды.
Ал, спорттық жарыстарды келесі полицейлер үздік атанды, олар:
Шымкент ҚІІБ Жол –патрульдік полиция полкінің полицейі, полиция кіші сержанты Есен Самат – «Үздік палуан» номинациясымен,
Сайрам АІІБ Көші-қон полиция бөлімінің инспекторы, полиция капитаны Маймақов Нұрболат Базарбайұлы – «Үздік футболшы» номинациясымен,
ОҚО ІІД ӘПБ-ға қарасты жол-патрульдік полиция батальонының қызмет жөніндегі инспекторы, полиция аға лейтенанты Анарқұлов Медет Нұралыұлы «Үздік волейболшы» номинациясымен марапатталды.
