Елбасының «Нұрлы жол – болашаққа бастар жол» атты Жолдауының Қазығұрт ауданында орындалу барысын аудан әкімі Болатбек Қыстауов сейсенбі күні өткен баспасөз жиынында баяндады. Яғни Жолдау аясында атқарылған ауқымды істерге тоқталған әкім Қазығұрт ауданында өнеркәсіп, шағын және орта кәсіпкерлік сондай-ақ, «Бизнестің жол картасы-2020» бағдарламалары бойынша да атқарылған жұмыстарды сөз етті. Айталық 2015 жылдың 9 айында ауданның өнеркәсіп саласында 3 млрд. 366 млн. тенгенің өнімі өндірілсе, жобалық құны 1 млрд. 592 млн. тенгені құрайтын 5 жоба индустрияландыру картасына енген.
Абай ОМАР