ОҚО бойынша Білім саласын бақылау департаментіне жаңа басшы келді. ҚР Білім және ғылым министрлігінің бұйрығымен Кәрімбек Құрманәлиев аталған департаменттің басшылық лауазымына тағайындалды. Кәрімбек Арыстанбекұлы ОҚО, Бәйдібек ауданының Жамбыл ауылында дүниеге келген. Филология ғылымдарының докторы, профессор, Қазақстан Ұлттық жаратылыстану ғылымдары Академиясының академигі, Қазақстан жоғары мектебі мен ғылымының көрнекті өкілдерінің бірі, сондай-ақ, белсенді ғылыми-педагогикалық қызметін қоғамдық жұмыстармен ұштастыра білген қайраткер. Сондай-ақ, Алматы педагогикалық шет тілдер институтында кәсіподақ комитеті төрағасы және проректор, «Қайнар» университетінің ректоры, Л. Гумилев атындағы Еуразия Ұлттық университетінің инновациялық қызмет жөніндегі проректоры, ҚР Білім және ғылым министрлігі Жоғары және жоғары оқу орындарынан кейінгі білім департаментінің директоры қызметтерін атқарған. 2008 жылдың қараша айы мен 2015 жылдың қазан айына дейін Қазақстан Ұлттық жаратылыстану ғылымдары Академиясының Вице-президенті лауазымын атқарды. Ғалымның қаламынан жарық көрген 100-ден астам ғылыми мақалалар, сонымен бірге ЖОО арналған 3 оқулық, 6 монография және терминология бойынша 15 оқулық пен әдістемелік құралдар жарық көрді. «Құрмет» ордені мен ҚР Президентінің Алғыс хатымен марапатталған. «Ыбырай Алтынсарин» және «Әл-Фараби» медалдарының иегері.
МЕМЛЕКЕТ БАСШЫСЫ XI «АЙБЫН» ХАЛЫҚАРАЛЫҚ ӘСКЕРИ-ПАТРИОТТЫҚ ЖАСТАР ЖИЫНЫНА ҚАТЫСТЫ
Президент – Қазақстан Қарулы Күштерінің Жоғарғы Бас қолбасшысы Қасым-Жомарт Тоқаев XI халықаралық «Айбын» әскери-патриоттық жастар жиынының ашылу рәсіміне қатысты....
