ҚР Мәдениет қайраткері, балалар жазушысы Толымбек Әбдірайым асқаралы алпыс жасқа толды. Осыған орай қаламгердің туған өлкесі жазушының мерей тойын кең ауқымда атап өтті. Яғни, Толымбек Әдбірайым білім алған мектептің бір сыныбына жаушының есімі берілсе, сондай — ақ, бұл күні қаламгердің екі бірдей кітабының тұсауы кесілді. Шығыс Қазақстан облысы, Аягөз жерінде өткен шығармашылық кеште жазушының ел үшін еткен еңбектері кеңінен насихатталып, жүрекжарды тілектер айтылды.
Шырайлы шығыста туылып, қасиетті қаламның арқасында бал тілді балаларға арнап тың туындыларын арнап келе жатқан Толымбек Әбдірайымның мерейлі күніне Алматы, Астанадан бөлек, еліміздің өзге де өңірлерінен жазушы, журналистер, зиялы қауым өкілдері көптеп келді. Есімі елге таныс тұлғалар қатарында Қазақстан Журналистер Одағының мүшелері Жанат Елшібеков, Самрат Жақсыбаев, Жұмабек Кенжалин, Асқар Алтай, Құл-Керім Елемес сынды қаламгерлерден бөлек оңтүстіктен «Айғақ» телеарнасының басшысы Дулат Әбіш бастап барған топ құрамында жазушы Серік Жанәбіл де бар.
Толымбек Әдбірайымның 60 — жылдығына арналған жиынның біссімілләсі өзі алғаш әріп танып, үлкен өмірге қанаттандырған алтын ұя мектебінен басталды. Яғни, бұл күні әдебиет әлемінде өзіндік орны ерек тұлғаның атындағы сыныптың лентасы қиылды. Әрине, бала жанын баптаған, бала тілінде ой қозғап, балаға жақын болған жазушының мерей тойына мектеп бүлдіршіндері де сахналық ән, би, өлең айтып көпшілікті қуантып жатса, енді бір балғындар сүйікті жазушыларына арнау арнады.
Бала жан дүниесі жайында шығарма жазуды көптеген қаламгерлер армандайды. Бірақ ойындағыдай шықпайтындығына күмәнданып, осы бір қоғамда ерекше орын алатын тақырыпқа тыңнан түре сала алмасын сезініп, тайсақтайтыны бар. Ал, бала ақыл оймен, бала сезімімен селкеусіз дөп түсетін жаушы сирек. Ал, балалар үшін Толымбек Әбдірайымның сиқырлы қаламынан қиял ғажайыпқа толы 117 әңгіме, 25 ертегі, 4 хикаят туындаған. Кез — келген шытырман оқиғаға толы шығарма, сахналанып көрермен көңілінен шығып жатса, жазушының негізгі мақсатының орындалғандығы. Жазушы үшін ерекше жетістіктердің бірі бұл. Бұл күні нәзіктікке толы ғажайып жанр драмада Толымбек Әбдірайымның ертегілері қойылып, қаламгердің жүрегінен шыққан кейіпкерлердің күйініші көрсетілді. Осылайша асқаралы алпыс жасқа толған ел ағасына Оңтүстіктен арнайы барған ОҚО мәслихат депутаты, «Айғақ» Телерадиокомпаниясының президенті Дулат Әбіш пен жазушы Серік Жәнәбілдер құрмет көрсетіп, қаламгердің иығына шапан жапты.
Ұлдархан Уәлиханқызы
