Оңтүстік Қазақстан облыстық Қазақстан халқы Ассамблеясының кеңейтілген отырысында Аналар кеңесінің төрайымы сайланды. Өңірдегі нәзік жандылардың басын қосып, ынтымағын арттыратын қоғамдық ұйымды енді ОҚО мәслихатының депутаты Рәшкүл Оспанәлиева басқаратын болады. Осыған дейін қоғамдық жұмыстардың бел ортасында жүрген халық қалаулысы өзіне артылған міндетті аса жауапкершілікпен атқармақ ниетте. Мұнан бөлек басқосуда облыс әкімі аппараты басшысының орынбасары – Ассамблея Хатшылығының меңгерушісі Мұратәлі Халмұратов Қазақ хандығының 550 жылдығына арналған «Ұлы дала елі» атты республикалық тарихи-мәдени экспедициясын ұйымдастыру және өткізу бойынша тиісті қала, аудан әкімдерінің орынбасарлары мен жауапты қызметкерлерімен дайындық жұмыстарын пысықтады.
МЕДИЦИНАЛЫҚ КӨМЕКТІҢ САПАСЫ АРТЫП, ЖОҒАРЫ ТЕХНОЛОГИЯЛЫҚ ЕМДЕУ ӘДІСТЕРІ ЕНГІЗІЛУДЕ
Шымкент қаласында денсаулық сақтау саласын дамыту, медициналық қызметтердің сапасы мен қолжетімділігін арттыру, тұрғындардың өмір сүру ұзақтығын ұлғайту бағытында жүйелі жұмыстар...
