ОҚО бойынша Соттар әкімшісінің орынбасары Н.Уразгалиева Сарыағаш ауданының мамандандырылған әкімшілік сотының ұжымына Қазақстан Республикасы Президентінің 2017 жылғы 10 сәуірдегі №458 Жарлығымен тағайындалған жаңа судья Жанар Каипбекқызы Кенжебаеваны ұжымға таныстырды, деп хабарлады ОҚО сотының баспасөз қызметі.
Сарыағаш ауданының мамандандырылған әкімшілік сотының төрағасы Ж.Балғанбеков және Сарыағаш аудандық сотының тәжирібелі судьялары Ж.Алсеева мен Н.Жумабаев жас судьяны тағайындалуымен құттықтап, оған жаңа қызметте сәттілік және үлкен жетістіктерге жетуін тіледі.