Елбасының бекіткен Ұлт жоспарына сәйкес мемлекеттік орган басшыларына кәсіби мемлекеттік аппарат құру міндеттелген.
Кәсіби мемлекеттік аппаратты құру – мемлекеттік қызметке қабылдаудан бастап, лауазымдық өсу сынақ мерзімін белгілеуді міндеттеу, лауазымдық жалақыны өсіру және оны нәтижеге байланысты төлеу, қызметшілерге қызметтік пәтерлер қарастыру, мансаптық жоғарылату, мемлекеттік қызметті ашық және бәсекеге қабілетті жүйе ретінде қалыптастыру, жаңа этикалық ережелерді енгізу, жемқорлыққа қарсы күресті күшейту. Мемлекеттік қызметшілерді кешенді аттестаттау сияқты бағыттарды қамтиды.
Кәсіби мемлекеттік аппарат құру үшін білікті мамандар қажет. Білікті мамандарды анықтау мақсатында қазіргі таңда «Б» корпусындағы мемлекеттік қызметшілерді кешенді тестілеуден өткізуде. Атап айтқанда облыста 6500-ден астам «Б» корпусының мемлекеттік әкімшілік қызметшілері аттестаттаудан өткізуге жатады. Ағымдағы жылдың 1-ақпанынан бастап шамамен 5-сәуірге дейін күніне 200 мемлекеттік қызметші кесте негізінде жеке құзыреттерді бағлайтын тестілеуден өткізілуде. Тестілеу рәсімі аяқталған соң аттестаттау комиссияларында «Б» корпусының мемлекеттік әкімшілік қызметшілермен әңгімелесу жүргізу жұмыстары ағымдағы жылдың сәуір мамыр айларында жалғасын табады.
Бүгінгі таңда, 23-ақпанға дейін жеке құзыреттерді бағалайтын тестілеуден өткен азаматтардың саны 1991, оның ішінде «өте жақсы» — 433, «тиімді» — 1437, «қанағаттандырлық» -114 және «ең төмен» бағаға — 7 мемлекеттік қызметші ие болды. Яғни, кешенді аттестаттаудың бірінші кезеңінде 7 мемлекеттік қызметші талапқа сай емес екендігі анықталды.
Аттестаттаудың шешімдері төмендегілердің бірі болып танылады:
1) Атқаратын мемлекеттік лауазымына сай келеді және лауазымын жағарылатуға ұсынылады;
2) Атқаратын мемлекеттік лауазымына сай келеді;
3) Атқаратын мемлекетік лауазымына сай емес және мемлекеттік лауазымын төмендетуге ұсынылады;
4) Атқаратын мемлекеттік сай емес және қызметтен шығаруға ұсынылады.
Мемлекеттік қызметшілер атқарып отырған лауазымдарының санаттары бойынша белгіленген аттестаттау комиссиясында аттестаттаудан өткізіледі.